06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
ՌԴ-ն ողջունում է Հայաստանի և Ադրբեջանի ղեկավարների բանակցությունները․ Պեսկով
Քաղաքականություն
10.07.2025 | 15:32
Ռուսաստանն աջակցում է ԱՄԷ-ում անցկացված բարձր մակարդակի հայ-ադրբեջանական ուղիղ բանակցություններին։ Այս մասին ճեպազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Մենք, անշուշտ, ողջունում ենք նման ուղիղ երկխոսության փաստը, և մենք բազմիցս տարբեր մակարդակներում ասել ենք, որ կողջունենք խաղաղության պայմանագրի հնարավորինս շուտ ստորագրմանը հասնելը»,- ասել է նա՝ նշելով, որ հայ-ադրբեջանական խաղաղության պայմանագիրը կայունություն և կանխատեսելիություն կբերի Հարավային Կովկասի տարածաշրջան։
«Հենց նման համաձայնագրի ստորագրումն է դառնալու կարևոր գործոն, որը տարածաշրջանին թույլ կտա ավելացնել կանխատեսելիություն, կայունություն և խաղաղություն։ Մենք լիովին աջակցում ենք այս գործընթացին»,- ասել է Կրեմլի ներկայացուցիչը։
Հիշեցնենք, որ ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպումն ավարտվել է։
Թարգմանությունը՝ Էմմա Չոբանյանի
