31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Ըստ ադրբեջանական ԶԼՄ-ների՝ Փաշինյանն ու Ալիևը քննարկում են խաղաղության համաձայնագրի վերջնական տարբերակը
Քաղաքականություն
10.07.2025 | 13:54
Աբու Դաբիում շարունակվում է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Ադրբեջանական Musavat-ը հաղորդում է, որ կողմերը քննարկում են խաղաղության համաձայնագրի վերջնական տարբերակը։
Լրատվամիջոցն ընդգծում է, որ ԱՄՆ-ն անմիջականորեն աջակցում է այս հանդիպմանը։ Մասնագետները նշում են, որ առաջիկա շաբաթներին խաղաղության վերջնական փաստաթուղթ ստորագրելու հավանականությունը զգալիորեն մեծացել է։
Հիշեցնենք, որ որոշ ժամանակ առաջ ընդմիջումից հետո կողմերի միջև բանակցությունները վերսկսվել են։
Ավելի վաղ կողմերը բանակցություններ էին անցկացրել պատվիրակությունների մասնակցությամբ ու դեմ առ դեմ ձևաչափով։ Ռուսական պետական ՏԱՍՍ-ը նշում է, որ կողմերն ավելի վաղ արդեն անցկացրել են մոտ երկու ժամ տևած բանակցությունների մեկ փուլ, որից հետո Ալիևն ու Փաշինյանը հանդիպել են դեմ առ դեմ ձևաչափով, որը տևել է մոտ 20 րոպե։ Բացի այդ՝ ՏԱՍՍ գործակալության աղբյուրի փոխանցմամբ՝ հանդիպման հիմնական թեման խաղաղության պայմանագրի շուրջ առկա հակասությունների լուծումն է՝ այն մինչև տարեվերջ ստորագրելու նպատակով։
Ադրբեջանական ԶԼՄ-ն էլ հայտնում է, որ այժմ Փաշինյանն ու Ալիևը կրկին դեմ առ դեմ ձևաչափով են հանդիպումը շարունակում։
Թարգմանությունը՝ Էմմա Չոբանյանի
