14.05.2026 | 10:53
Մեսիի դուբլը «Ինտեր Մայամիին» հաղթանակ է պարգևել գոլառատ խաղում․ ՏԵՍԱՆՅՈՒԹ
Մի երիտասարդի են ձերբակալել ահաբեկչության հոդվածով. փաստաբան․ ՏԵՍԱՆՅՈՒԹ
Հասարակություն
10.07.2025 | 12:34
«Ժամից ավելի է՝ փորձում եմ մուտք գործել Քննչական կոմիտե տեսակցելու համար անձին, որի շահերը պետք է ներկայացնեմ, անհիմն պատճառաբանություններով չեն թույլատրում ներս մտնել»,- լրագրողների հետ զրույցում ասաց փաստաբան Սերգեյ Հարությունյանը։
«Մի երիտասարդի են ձերբակալել, որքանով հասկանում եմ՝ ահաբեկչության հոդվածով։ Հերթական շոուն է լինելու, մեկ-երկու օր հանրությանը սրանով կկերակրեն, թե ինչ է կատարվել, մեկ-երկու օրով կշեղեն այն ամոթալի իրադարձություններից, որ հիմա կատարվում է դրսում։ Նաև անձանց կձերբակալեն, հնարավոր է՝ փորձեն տանել կալանքի։ Այսինքն՝ նույն մարտավարությունն ինչ արվում է վերջին ամիսներին և վերջին հինգ տարիներին»,-ասաց Հարությունյանը։
Factor TV-ի լրագրողի հարցադրմանը, թե արդյոք այս ձերբակալությունները կապված են հայտնի ահաբեկչության գործի հետ, փաստաբանն արձագանքեց․ «Սա նոր գործ է, մի զավեշտալի դեպք, որ ստրայկբոլով զբաղվող երիտասարդի մոտից գտել են սպորտային խաղի պարագաներ, հիմնավորում են, իբր, թե դրանք պայթուցիկ նյութեր են»։
Մանրամասները՝ տեսանյութում։
Անի Թամրազյան
