Առանձնատունը ես չեմ կառուցել․ մտերիմ անձ է, նախաքննական գաղտնիքից ելնելով անունը չեմ կարող տալ․ Սեյրան Օհանյանը՝ իր մեղադրանքի մասին․ ՏԵՍԱՆՅՈՒԹ

«Մեղադրանքը չեմ ընդունում, ապօրինի գործընթացներ են և ունեն քաղաքական ենթատեքստ։ Ես այս գործով 2018 թվականին եմ հարցաքննվել, և եթե խնդիր կար, ապա 2018-ին կարող էին մեղադրանք առաջադրել»,- Factor TV-ի հետ զրույցում, անդրադառնալով իր մեղադրանքին, ասաց Պաշտպանության նախկին նախարար, այժմ՝ Ազգային ժողովի «Հայաստան» խմբակցության պատգամավոր Սեյրան Օհանյանը։

Հիշեցնենք, որ Ազգային ժողովը երեկ Օհանյանի բացակայությամբ քննել է նրան պատգամավորական անձեռնմխելիութունից զրկելու հարցն ու դրան համաձայնություն տվել։

Օհանյանն ասաց, որ ինքն առողջական խնդիրներով պայմանավորված չի ներկայացել նիստին, և իր բացակայությամբ իր անձեռնմխելության հարցը քննարկելը խախտել է իր իրավունքը։

Այնուամենայնիվ, Օհանյանը համոզմունք հայտնեց, որ, անկախ իր ներկայանալու կամ չներկայանալու հանգամանքից, ինքը զրկվելու էր անձեռնմ՛խելիությունից։

Օհանյանին մեղադրում են «Սևան» ազգային պարկ ՊՈԱԿ-ի տարածքում ընդգրկված հողատարածքը զավթելու և ինքնակամ առանձնատուն կառուցելու մեջ, որը չի հայտարարարգրել։

«Առասնձնատունն ինձ չի պատկանում, եթե պատկաներ, կլիներ Օհանյան Սեյրանի անունով։ Ինչ- որ պահ ես որոշակի առումով օգտագործել եմ այն»,- ասաց Օհանյանը՝ նշելով, որ բացահայտ սուտ է, որ հայտարարագրի մեջ նշում չի կատարվել առանձնատան մասին։ Ըստ պատգամավորի՝ իր հայտարարագրում նշված է օրերի քանակը, երբ է օգտագործել առանձնատունը։

«Առանձնատունը ես չեմ կառուցել, մտերիմ անձ է, որի անունը չեմ կարող տալ՝ նախաքննական գաղտնիքից ելնելով»,- ասաց Սեյրան Օհանյանը։

Մանրամասները՝ տեսանյութում

Արաքս Մամուլյան