23.05.2026 | 14:52
ՄԻՊ-ը մեկնարկել է ընտրատեղամասերի մշտադիտարկումը՝ հաշմանդամություն ունեցող անձանց համար մատչելիությունը գնահատելու նպատակով
Սեյրան Օհանյանին մեղադրանք է առաջադրվել մի քանի հոդվածով
Հասարակություն
08.07.2025 | 18:44
Սեյրան Օհանյանին մեղադրանք է առաջադրվել քրեական օրենսգրքի միանգամից մի քանի հոդվածներով: Այս մասին Factor.am-ի հարցին ի պատասխան ասաց ՔԿ մամուլի խոսնակ Կիմա Ավդալյանը:
Դատախազը Սեյրան Օհանյանի նկատմամբ հանրային քրեական հետապնդում է հարուցվել հետևյալ հոդվածներով.
• 441-րդ հոդվածի 2-րդ մասի 2-րդ, 4-րդ և 5-րդ կետերով՝ պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը,
• 435-րդ հոդվածի 3-րդ մասի 3-րդ կետով՝ կաշառք ստանալը,
• 296-րդ հոդվածի 3-րդ մասի 3-րդ կետով՝ փողերի լվացումը,
• 444-րդ հոդվածի 2-րդ մասով՝ հայտարարագիր ներկայացնելու պարտականություն ունեցող անձի կողմից հայտարարագրում կեղծ տվյալներ ներկայացնելը, հայտարարագրման ենթակա տվյալները թաքցնելը կամ հայտարարագիր չներկայացնելը։
Քննիչը մեղադրանք է ներկայացրել Սեյրան Օհանյանին, սակայն նա հրաժարվել է ցուցմունք տալ: Որպես խափանման միջոց է ընտրվել բացակայելու արգելքը: Նշենք, որ Սեյրան Օհանյանը քիչ առաջ, հարցաքննությունից դուրս գալով, ասաց, որ չի ընդունում առաջադրված մեղադրանքը, հրաժարվել է ցուցմունք տալ, քանի որ առողջական խնդիրներ ունի:
Արփի Հակոբյան
