29.04.2026 | 14:33
Բաքվում Նիդերլանդների դեսպանը մեկնաբանել է երկրի խորհրդարանի կողմից Արցախի մասով ընդունված բանաձևը
Արծվիկ Մինասյանը Քննչական կոմիտեում է
Հասարակություն
08.07.2025 | 18:21
«Հայաստան» խմբակցության քարտուղար Արծվիկ Մինասյանը, որը երեկ զրկվել էր պատգամավորական անձեռնմխելիությունից, այժմ Քննչական կոմիտեում է: Այս մասին հայտնում է տեղում աշխատող Factor TV-ի թղթակիցը, որն արձանագրել է` ինչպես են Մինասյանին ՔԿ ուղեկցում:
Հիշեցնենք, որ ԱԺ-ն երեկ գաղտնի քվեարկությամբ համաձայնություն էր տվել «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ քրեական հետապնդում հարուցելու դատախազի միջնորդագրերին։
Նշենք, որ Սեյրան Օհանյանին վերաբերող միջնորդագրի համաձայն՝ նա տարբեր տարիների ներկայացրած հայտարարագրում թաքցրել է իրեն պատկանող գույքը, մասնավորապես Դրախտիկ համայնքում գտնվող հողատարածքը և դրա վրա ինքնակամ կառուցված առանձնատունը։ Արծվիկ Մինասյանին վերաբերող միջնորդագրի համաձայն՝ նույն գործով նա չարաշահել է իր իշխանական կամ ծառայողական լիազորությունները։
Արփի Հակոբյան
