21.02.2026 | 10:49
Արտարժույթների փոխարժեքները՝ փետրվարի 21-ի դրությամբ
Վանաձոր ուղևորվող 2 անձինք դանակի միջոցով բռնություն են գործադրել ճանապարհից իրենց միացած օտարազգի քաղաքացու նկատմամբ․ նախաքննությունն ավարտվել է
Հասարակություն
08.07.2025 | 16:30
Ս․թ․ հունիսի 12-ին Վանաձոր ուղևորվող 2 անձինք բռնություն են գործադրել ճանապարհից իրենց միացած օտարազգի քաղաքացու նկատմամբ՝ պատճառելով մարմնական վնասվածքներ: Քաղաքացիները հափշտակել են տուժողի դրամապանակը, բանկային քարտերն ու վարորդական վկայականը:
ՔԿ-ի հաղորդագրությունը՝ ստորև․
«ՀՀ քննչական կոմիտեի Լոռու մարզային քննչական վարչությունում 2025 թվականի հունիսի 30-ին ավարտվել է հունիսի 12-ին նախաձեռնված քրեական վարույթի նախաքննությունը:
Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ հունիսի 12-ին Վանաձոր ուղևորվող 2 անձինք դանակի միջոցով բռնություն են գործադրել ճանապարհից իրենց միացած օտարազգի քաղաքացու նկատմամբ՝ վերջինիս պատճառելով մարմնական վնասվածքներ: Արդյունքում, քաղաքացիներին հաջողվել է իրագործել տուժողի դրամապանակի, բանկային քարտերի և վարորդական վկայականի հափշտակությունը:
Հունիսի 14-ին երկու անձի նկատմամբ հարուցվել է հանրային քրեական հետապնդում՝ Քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով (մի խումբ անձանց կողմից նախնական համաձայնությամբ զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ կատարված ավազակությունը):
Հունիսի 15-ին վերջիններիս նկատմամբ որպես խափանման միջոց կիրառվել է կալանքը:
Հունիսի 30-ին քրեական վարույթը մեղադրական եզրակացությամբ ուղարկվել է հսկող դատախազին»:
