15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ԱԺ-ն պետք է ժողովրդավարական քննարկումների հարթակ լինի, այլ ոչ «մարտադաշտ»․ ՄԻՊ
Հասարակություն
08.07.2025 | 12:57
ՀՀ ՄԻՊ աշխատակազմը հայտարարություն է տարածել, որում ասվում է, որ ՄԻՊ Մանասյանը դատապարտում է այսօր խորհրդարանում պատգամավորների մասնակցությամբ տեղի ունեցած միջադեպը։
Հայտարարությունը՝ ստորև․
«Մարդու իրավունքների պաշտպան Անահիտ Մանասյանը խստորեն դատապարտում է հուլիսի 8-ին Ազգային ժողովում պատգամավորների մասնակցությամբ տեղի ունեցած միջադեպը:
Խորհրդարանը պետք է ժողովրդավարական քննարկումների հարթակ լինի, այլ ոչ «մարտադաշտ»:
Պատգամավորական էթիկայի հարցերը քննող պատշաճ մեխանիզմների ձևավորումն օրակարգային անհրաժեշտություն է»:
Հիշեցնենք, որ ԱԺ-ն արտահերթ նիստի օրակարգում այսօր «Հայաստան» խմբակցության պատգամավոր Արթուր Սարգսյանին պատգամավորի անձեռնմխելիությունից զրկելու, նրա նկատմամբ քրեական հետապնդում հարուցելուն համաձայնություն տալու մասին հարցն էր քննարկվում։ Արթուր Սարգսյանի ելույթից հետո իրավիճակը ԱԺ նիստերի դահլիճում լարվեց, նիստը նախագահողը ստիպված եղավ ընդմիջում հայտարարել։ Վեճ ու հրմշտոց սկսվեց։
