05.10.2026 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
«Մեր տնից գտել են 2 գլխարկ, 4 Iphone-ի գումար»․ Սամվել Կարապետյանի եղբորորդին կարծում է՝ կձերբակալվի
Հասարակություն
08.07.2025 | 11:01
«Մենք էս ամեն ինչին սպասում էինք, մի քիչ ուշացան էլ, երևի, ամենյան հավանականությամբ, կձերբակալեն, բայց դեռ չգիտեմ՝ ինչի համար»,- իր տանը տեղի ունեցած խուզարկություններից հետո ասաց գործարար Սամվել Կարապետյանի եղբորորդին՝ Նարեկ Կարապետյանը, որը նաև ՀԷՑ տնօրենների խորհրդի նախագահն է։
Կարապետյանը տնից դուրս եկավ գիրքը ձեռքին․ լրագրողների հարցին ի պատասխան ասաց՝ տանում եմ հետս, որ այնտեղ (նկատի ունի՝ մեկուսարանում-խմբ.) կարդա.
«90 տոկոսով կարծում եմ՝ ձերբակալության որոշում կլինի, էսքան ման են եկել, գործ չեն գտել․ եկել մեր տնից գտել են 2 հատ գլխարկ, մի հատ երեխաների նկարների կրիչ ու 4 «Iphone»-ի գումար, էդքանը։ Մեր հավաքից հետո ագրեսիան ավելացել ա, ամեն փոքր առիթ օգտագործվելու ա մարդկանց դեմ խնդիրներ ստեղծելու համար»։
Հիշեցնենք՝ վաղ առավոտից իրավապահները քննչական գործողություններ են իրականացնում «Հայաստանի Էլեկտրական ցանցեր»-ում և Նարեկ Կարապետյանի տանը։ Տեղեկությունը Factor.am-ի հետ զրույցում հաստատեց Քննչական կոմիտեի մամուլի խոսնակ Կիմա Ավդալյանը․
«Քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում և Երևան քաղաքի քննչական վարչությունում նախաձեռնված քրեական վարույթների շրջանակներում կատարվում են անհետաձգելի քննչական գործողություններ»:
Փաստաբան Տիգրան Հայրապետյանը Factor TV-ի հետ զրույցում ասաց, որ այս պահին ՀԷՑ-ի գլխավոր գրասենյակի երկու սենյակներում խուզարկություններ են ընթանում, աշխատանքը կազմալուծված է, աշխատակիցներին թույլ չեն տալիս մտնել շենք։ Հարցին՝ հայտնի՞ է, թե որ գործի շրջանակներում են խուզարկությունն իրականացնում, փաստաբանը բացասական պատասխան տվեց․
«Ես այս պահին բան չեմ կարող ասել, քանի որ տեղեկություն չունեմ։ Մենք ՀԷՑ-ում սպասում ենք Նարեկ Կարապետյանի գալուն»։
Ռոզա Վարդանյան
