15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
2 000 ԱՄՆ և 3 000 ավստրալական դոլար․ գողոնը հայտնաբերվել է նկուղի խուզարկությամբ. ՆԳՆ
Հասարակություն
07.07.2025 | 18:30
Աշտարակի ոստիկանները հափշտակության դեպք են բացահայտել։
«Հուլիսի 1-ին` ժամը 12.20-ին, համայնքային ոստիկանության Աշտարակի բաժնում մի քաղաքացի հաղորդում է տվել, ըստ որի` հունիսի 28-ին Ոսկեվազ գյուղում քրոջ որդու ամուսնական արարողությունների ընթացքում ինքը նկատել է, որ պայուսակը մոտը չէ: Տաքսի մեքենայով պայուսակը հասցրել են Ոսկեվազ, սակայն միջոցառումից հետո նկատել է, որ գողացել են պայուսակում եղած երկու հազար ամերիկյան և երեք հազար ավստրալական դոլարները:
Ձեռնարկված օպերատիվ-հետախուզական միջոցառումների շնորհիվ Աշտարակի Համայնքային ոստիկանները պարզել են, որ գողությունը կատարել են գյումրեցի 22-ամյա տաքսիստը և նրա ծանոթ Պարտիզակ գյուղի բնակիչ 23-ամյա երիտասարդը:
Երկուսն էլ ձերբակալվել, տեղափոխվել են բաժին և ներկայացվել Արագածոտնի մարզային քննչական վարչություն:
Նախաձեռնվել է քրեական վարույթ, որի շրջանակում 23-ամյա երիտասարդի բնակության վայրում կատարված խուզարկությամբ նկուղի բետոնե առաստաղի անցքում հայտնաբերվել է 45 հատ հարյուրդոլարանոց, որոնցից 25-ը` Միացյալ Նահանգների, իսկ 20-ը` ավստրալական դոլար։
Նախաքաննությամբ հանգամանքները պարզվում են»,- ասված է ՆԳՆ -ի տարածած հաղորդագրությունում։
