14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Սրբազաններին կալանավորած Մասիս Մելքոնյանը չպատասխանեց լրագրողների հարցերին. ՏԵՍԱՆՅՈՒԹ
Քաղաքականություն
07.07.2025 | 14:22
Բարձրագույն դատական խորհուրդը հեռացավ խորհրդակցական սենյակ՝ Երևանի քրեական դատարանի դատավոր Մասիս Մելքոնյանի կարգապահական գործով որոշում կայացնելու։ Որոշումը կհրապարակվի վաղը՝ հուլիսի 8-ին։ Հիշեցնենք, որ ըստ կարգապահական գործի՝ Մասիս Մելքոնյանը իր վարույթում քննվող գործով մեղադրյալին չի բացատրել լռելու իրավունքի մասին, չի զգուշացրել սուտ ցուցմունք տալու համար նախատեսված քրեական պատասխանատվության մասին, իսկ այն ժամանակ, երբ արդեն կարգապահական վարույթ է հարուցված եղել, անթույլատրելի է ճանաչել մեղադրյալի հարցաքննությունը։
ԲԴԽ նիստից հետո լրագրողները փորձեցին Մելքոնյանին հարցեր ուղղել վերջին շրջանում նրա կողմից Բագրատ արքեպիսկոպոս Գալստանյանին և Միքայել արքեպիսկոպոս Աջապահյանին կալանավորելու վերաբերյալ, ինչպես նաև այն մասին, թե ինչու է ստացվում այնպես, որ երբ քաղաքական հնչեղ գործերը մակագրվում են Մելքոնյանին, փաստաբանները կանխատեսում են, որ անձինք կալանավորվելու են։
Մելքոնյանը, սակայն, հրաժարվեց հարցերի պատասխանել։
Մանրամասները՝ տեսանյութում։
Արաքս Մամուլյան
