05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Չորս հոգի տեղափոխվել է հիվանդանոց. մանրամասներ Zhongtong ավտոբուսի բախումից
06.07.2025 | 12:26
Երևանում թիվ 31 երթուղին սպասարկող Zhongtong ավտոբուսը բախվել է բետոնե եզրաքարին ու երկաթե էլեկտրասյանը. կան վիրավորներ։ Այս տեղեկությունը Factor.am-ի հետ զրույցում հաստատեց «Երևանի ավտոբուս» ՓԲԸ-ի մամուլի խոսնակ Գեղամ Ասատրյանը։
Նրա փոխանցմամբ` մարմնական վնասվածք է ստացել չորս քաղաքացի, որոնք տեղափոխվել են բժշկական կենտրոն։ Ըստ Գեղամ Ասատրյանի` երկուսը արդեն դուրս են գրվել, ստացիոնար բուժման անհրաժեշտություն չկա վիրավորներից որևէ մեկի համար։
Իսկ թե ինչու է ավտոբուսը հարվածել բետոնե եզրաքարին, մամուլի խոսնակն ասաց, որ փորձաքննության եզրակացությունը պատրաստ կլինի մի քանի օրից։ Նա նաև վստահեցրեց, որ ոչ վարորդն է ալկոհոլի ազդեցության տակ եղել, ոչ ավտոբուսն` անսարք։
Նարեկ Կիրակոսյան
