09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Տեխասում առնվազն 24 մարդ է մահացել աղետալի ջրհեղեղի հետևանքով․ ևս 25 մարդ անհետ կորած է․ ՏԵՍԱՆՅՈՒԹ
Քաղաքականություն
05.07.2025 | 10:31
ԱՄՆ Տեխաս նահանգում ուժեղ անձրևների հետևանքով առաջացած ջրհեղեղի հետևանքով առնվազն 24 մարդ է մահացել։ Մահացածների թվում երեխաներ կան, հաղորդում է ABC News-ը։
Ըստ The New York Times-ի՝ ևս 25 մարդ անհետ կորած է։ ABC News-ը նաև հայտնում է, որ տարածքում գտնվող աղջիկների համար նախատեսված քրիստոնեական ամառային ճամբարի՝ Camp Mystic-ի մասնակից 23 մարդ անհետ կորած է համարվում։
Նշվում է, որ բնակիչներին փրկելու և տարհանելու համար օգտագործվել են ուղղաթիռներ և ռազմական մեքենաներ։ Ընդհանուր առմամբ, արտակարգ ծառայությունները փրկել են 237 մարդու կյանք։ Այս մասին հաղորդել է նահանգի Ազգային գվարդիայի ղեկավար Թոմաս Սալզերը։
Տեխասի արտակարգ իրավիճակների կառավարման ղեկավար Նիմ Քիդը նշել է, որ օդերևութաբանական ծառայությունը անձրև էր կանխատեսել, որը, սակայն, իրական պատկերը չէր կանխորոշել։
Տեխասում ջրհեղեղները պարբերաբար են տեղի ունենում և համարվում են նահանգի ավերիչ բնական աղետներից մեկը։ Օրինակ՝ 2022 թվականի օգոստոսին Տեխաս նահանգի Դալաս-Ֆորտ Ուորթ քաղաքում ուժեղ անձրևները ջրհեղեղի էին ենթարկել փողոցներ, ավերվել էին տներ և անսարքության վերածվել մեքենաներ։ Այդ ժամանակ մահացել էր 60-ամյա մի կին։
Թարգմանությունը՝ Անահիտ Խաչատրյանի
