06.12.2025 | 13:49
Վթարային ջրանջատում Աբովյան քաղաքի մի շարք թաղամասերում
Սամվել Կարապետյանի փաստաբանական թիմը հայցադիմումներ է ներկայացնում դատարան՝ իրենց պաշտպանյալի բարի համբավը վերականգնելու համար
Հասարակություն
04.07.2025 | 12:19
Գործարար Սամվել Կարապետյանի պաշտպանության խորհուրդը հաղորդագրությամբ տեղեկացնում է, որ Սամվել Կարապետյանի փաստաբանական թիմը սեփական նախաձեռնությամբ հայցադիմումներ է ներկայացնում և ներկայացնելու դատարան՝ Սամվել Կարապետյանի գործարար բարի համբավի, ինչպես նաև արատավորող հրապարակային խոսքի և հրապարակումների վերաբերյալ օրենսդրությամբ սահմանված կարգով խախտված իրավունքների վերականգնման համար:
«Սա փաստաբանական թիմի նախաձեռնությունն է, որի նպատակը քաղաքական և հասարակական դիսկուրսում վիրավորանքները և զրպարտությունը բացառելն է, ինչից կշահեն բոլորը, և, առաջին հերթին, հասարակությունը»,- ասված է հաղորդագրությունում։
Հիշեցնենք՝ Սամվել Կարապետյանն այս պահին երկամսյա կալանքի տակ է։ Նրան մեղադրանք է առաջադրվել իշխանությունը զավթելու հրապարակային կոչի հոդվածի հատկանիշներով։
Ավելի վաղ տեղեկացրել էինք, որ Սամվել Կարապետյանը դատի է տվել «Քաղաքացիական պայմանագիր» խմբակցության պատգամավորներ Հայկ Կոնջորյանին և Արսեն Թորոսյանին։ Կարապետյանը դատարանից պահանջում է պատգամավորներին պարտավորեցնել հերքել «իր մասին զրպարտչական, վիրավորական բնույթի հայտարարությունները և վճարել փոխհատուցում 9 մլն դրամ»։
Սամվել Կարապետյանը դատի է տվել Արսեն Թորոսյանին և Հայկ Կոնջորյանին. պահանջում է հերքում և 9 մլն դրամ
