03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
2023-2025 թթ․ Դատախազության ապօրինի ծագում ունեցող գույքի բռնագանձման շրջանակում Պետգույքի կառավարման կոմիտեին են փոխանցվել 26 անշարժ գույք և 2 տրանսպորտային միջոց
Հասարակություն
04.07.2025 | 10:27
Պետական գույքի կառավարման կոմիտեն պետությանը վերադարձված ապօրինի ծագում ունեցող գույքի տնօրինման վերաբերյալ տեղեկանք է ներկայացրել, որը ներկայացնում ենք ստորև․
«2023-2025թթ․ ընթացքում ՀՀ գլխավոր դատախազության ապօրինի ծագում ունեցող գույքի բռնագանձման և պետական շահերի պաշտպանության լիազորության շրջանակում Պետական գույքի կառավարման կոմիտեին են փոխանցվել 26 միավոր անշարժ գույք և 2 տրանսպորտային միջոց։ Բացի այդ, նախատեսվում է Կոմիտեի հաշվեկշռում ամրացնել ևս երկու անշարժ գույք՝ բնակելի տուն և բնակարան։
Պետական գույքի կառավարման կոմիտեն շարունակում է իրականացնել ապօրինի ծագում ունեցող բռնագանձված գույքի ամրացման, հաշվառման, օտարման և վարձակալության գործընթացները»։
Պետությանը վերադարձված գույքի ցանկին կարող եք ծանոթանալ հղումով։
