ԱԺ-ն երկրորդ ընթերցմամբ և ամբողջությամբ ընդունեց ՀԷՑ-ի պետականացմանը հնարավորություն տվող նախագիծը

Ազգային ժողովը երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում փոփոխություններ կատարելու մասին նախագծերը փաթեթը, որը վերաբերում է ՀԷՑ-ը պետականացնելուն։ Օրենսդրական փոփոխությունների փաթեթեը ներկայացրել է իշխող «Քաղաքացիական պայմանագիր» խմբակցությունը։ Նախագիծն ԱԺ-ում ներկայացրել էր պետական-իրավական հարցերի մշտական հանձնաժողովի նախագահ Վլադիմիր Վարդանյանը։ ԱԺ արտահերթ նիստում նա նշել էր, որ ներկայում պետական կառույցները կարող են արձագանքել միայն արդեն արձանագրված խախտումներին, իսկ օրենքով չկան այնպիսի լիազորություններ, որոնք թույլ կտան խախտումները կանխել նախքան դրանց դրսևորվելը։ Վարդանյանի խոսքով՝ օրենսդրական նախաձեռնության նպատակը էներգետիկ ոլորտում պետական միջամտության կանխարգելիչ իրավական մեխանիզմների ներդրումն է։

«Էներգետիկ համակարգի անվտանգությունն ու հուսալիությունը ազգային անվտանգության կարևոր բաղադրիչ են։ Պետք է ապահովել կանխարգելիչ միջամտության արդյունավետ լծակներ՝ հանրային շահերն ու սպառողների իրավունքները պաշտպանելու համար։ Նախագծով նախատեսվում է սահմանել, որ եթե լիցենզավորված կազմակերպության գործունեությունն ունի բարձր ռիսկայնություն, կառավարության լիազոր մարմինը կարող է հաղորդում ներկայացնել, հնարավոր դարձնել կանխարգելիչ միջոցների կիրառումը մինչ վարույթի հարուցումը, հստակեցնել այդ միջոցների տեսակները, կիրառման կարգը և իրավաչափության պայմանները»,- ներկայացրել էր Վարդանյանը։

Մանրամասները՝ տեսանյութում։

Մանյա Պողոսյան