07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Հայաստանի սկսնակ լիդերներ» 2025-2026թթ. մագիստրոսական կրթաթոշակների տրամադրման ծրագիրը պաշտոնապես բաց է
Հասարակություն
01.07.2025 | 14:07
«Արմենիա միջազգային օդանավակայաններ» փակ բաժնետիրական ընկերությունը, որը Կորպորասիոն Ամերիկա Էյրփորթս ընկերության մաս է կազմում, 2023 թվականից իրականացնում է «Հայաստանի սկսնակ լիդերներ» ծրագիրը: Նախաձեռնության նպատակն է նպաստել Հայաստանի ապագային՝ ուսման հնարավորություններ ընձեռելով բուհերի շրջանավարտներին` օգնելու նրանց շարունակել իրենց կրթությունը և դառնալ լիդերներ մեր գործարար համայնքի և պետության համար: «Կորպորասիոն Ամերիկա Ս.Ա.» ընկերության նախաձեռնությամբ «Արմենիա» Միջազգային օդանավակայաններ» ՓԲԸ-ն այս տարի ևս մեկնարկում է «Հայաստանի սկսնակ լիդերներ» ծրագիրը, որի նպատակն է հնարավորություն ընձեռել հայ երիտասարդներին բացահայտել իրենց մասնագիտական հնարավորությունները:
Ծրագրի շրջանակներում Հայաստանի բուհերի 10 շրջանավարտներ կարող են ստանալ ուսումնական մեկ տարվա վարձի ամբողջական փոխհատուցում՝ երկարաձգման հնարավորությամբ, Հայաստանի 7 բուհերում մագիստրոսական ծրագիր ուսանելու համար:
Ծրագրի նպատակն է նպաստել երիտասարդների մասնագիտական զարգացմանը:
«Հայաստանի սկսնակ լիդերներ» 2025 ծրագրի մանրամասներին ծանոթանալու և դիմելու համար այցելե՛ք՝ www.risingleadersarmenia.am:
Հայտերի ընդունման վերջնաժամկետն է օգոստոսի 1-ը։
