20.03.2026 | 11:17
Եվրոպա լիգայում ու Կոնֆերենցիաների լիգայում հայտնի են 1/4 եզրափակիչի բոլոր զույգերը
Սուտ է՝ ավտոբուսում հսկիչները ուղևորներին չեն զննելու․ Ռուբեն Ռուբինյան. ՏԵՍԱՆՅՈՒԹ
Հասարակություն
01.07.2025 | 13:50
ԱԺ արտահերթ նիստում արտահերթ ելույթով հանդես եկավ ԱԺ փոխնախագահ Ռուբեն Ռուբինյանն՝ արձագանքելով ընդդիմադիրների մեղադրանքներին, թե ավտոբուսներում հսկիչները զննելու են ուղեվարձը չվճարած քաղաքացիներին։
Նա պարզաբանեց, թե զննություն անցկացնելու իրավունք ունի ոստիկանը, ոչ թե հսկիչը։
«Ըստ նախագծի՝ հսկիչն իրավունք ունի մարդուն նույնականացնել: Այսինքն՝ ի՞նչ է անում հսկիչը. նախ ստուգում է՝ տոմս ունի՞, թե՞ չէ, վճարե՞լ է, թե՞ չէ: Ենթադրենք՝ չի վճարել, ասում է՝ անձնագիրը տվեք, որ ձեզ տուգանեմ: Ուղևորն, օրինակ, ասում է՝ անձնագիր չունեմ: Ասում է՝ անձնագրի տվյալ կարող եք տալ: Ասում է՝ ասենք, չունեմ, հնարավորություն է տրվում լուսանկարով նույնականացնել։ Ենթադրենք, որ դա էլ չի ստացվում, և մարդը հրաժարվում է նույնականացվել, այդ դեպքում հսկիչն իրավունք ունի դիմել ոստիկանին»,- բացատրեց Ռուբինյանը։
Նշենք, որ ԱԺ-ն արտահերթ նիստում քննարկում է Երևանում հասարակական տրանսպորտից օգտվելիս ուղեվարձը չվճարելու դեպքում վարչական տույժ սահմանելու հարցը։
Մանրամասները՝ տեսանյութում։
Մանյա Պողոսյան
