07.09.2026 | 09:34
ՀՀ տարածքում ավտոճանապարհներն անցանելի են
ՌԴ ԱԳՆ-ն չի կարողանում կապ հաստատել «Sputnik Ադրբեջան»-ի լրագրողների հետ, որի գրասենյակում ոստիկանությունը գործողություններ է իրականացնում․ ՏԵՍԱՆՅՈՒԹ
Քաղաքականություն
30.06.2025 | 15:31
Ռուսաստանը մտահոգված է, որ Բաքվում գտնվող ռուս դիվանագետները երկու ժամից ավելի չեն կարողանում կապ հաստատել «Sputnik Ադրբեջան»-ի՝ ՌԴ քաղաքացի հանդիսացող լրագրողների հետ։ Այս մասին ՏԱՍՍ-ին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք մտահոգված ենք, որ Բաքվում գտնվող ռուս դիվանագետները երկու ժամից ավելի չեն կարողանում կապ հաստատել Ռուսաստանի քաղաքացի լրագրողների հետ։ Տեղեկատվություն չեն տրամադրում նման գործողությունների պատճառների մասին։ Մենք մտահոգված ենք մեր լրագրողների համար»,- նշել է դիվանագետը՝ հավելելով, որ Ռուսաստանի դեսպանատան հյուպատոսական բաժնի աշխատակիցներին թույլ չեն տալիս մտնել ռուս լրագրողների մոտ։
Զախարովան նշել է, որ Ռուսաստանի դեսպանատունն այդ մասին տեղեկացրել է Ադրբեջանի արտաքին գործերի, ներքին գործերի նախարարություններին ու Պետական անվտանգության ծառայությանը։
«Պատասխան չկա»,- ընդգծել է նա։
Ավելի վաղ RT-ի գլխավոր խմբագիր Մարգարիտա Սիմոնյանը հայտնել էր, որ «Sputnik Ադրբեջան» լրատվական գործակալության աշխատակիցները չեն արձագանքում հեռախոսազանգերին՝ իրավապահ մարմինների կողմից խմբագրությունում գործողություն իրականացնելու մասին հաղորդագրություններից հետո։
Ավելի վաղ հաղորդվել էր, որ Ադրբեջանի իրավապահ մարմինները գործողություն են իրականացում «Sputnik Ադրբեջան» գործակալության Բաքվի գրասենյակում։ Ադրբեջանական լրատվամիջոցները նաև կադրեր են հրապարակում խմբագրության շենքի մերձակայքից՝ նշելով, որ գործողությունները շարունակվում են, ոստիկանությունը փակել է գրասենյակ մուտքը։
Թարգմանությունը՝ Էմմա Չոբանյանի
