05.12.2025 | 18:20
ԵԱՍՄ աշխատակիցներն աղբ են այրել․ հիմնարկի պատասխանատուն կտուգանվի
ԱԱԾ-ն ջրկիր, փիքափ ու ամենագնաց ռուսական մեքենաներ է գնել
30.06.2025 | 14:41
Ազգային անվտանգության ծառայությունը ջրկիր մեքենաներ, ամենագնացներ ու փիքափներ է ձեռք բերել՝ ընդհանուր 13 ավտոմեքենայի համար վճարելով 140․7 մլն դրամ (մոտ 365 հազար ԱՄՆ դոլար)։ Ավտոմեքենաների մատակարարները 2-ն են՝ «Մեգնա» ՍՊԸ և «Կարկոմավտո» ՍՊԸ, որոնց հետ պայմանագրերը ԱԱԾ-ն կնքել է նույն օրը՝ հունիսի 25-ին։
Ընդ որում՝ թեև գնումներն իրականացվել են 2 տարբեր էլեկտրոնային աճուրդով, ոչ մեկ անձից, 2 դեպքում էլ միայն 1 մասնակից է եղել։ Ուշագրավ է, որ բոլոր ավտոմեքենաները ռուսական են՝ «ԳԱԶ», «ՈՒԱԶ», «ԱՎՏՈՎԱԶ» ընկերությունների արտադրության։
Այդպիսով՝ «Կարկոմավտո» ընկերությանը ԱԱԾ-ն վճարելու է 92․7 մլն դրամ՝ 1 ջրկիր, 3 պիկապների և 3 բուժօգնության ամենագնացների համար, իսկ «Մեգնա» ընկերությանը՝ 47․9 մլն դրամ՝ 6 մարդատար ամենագնաց մեքենաների համար։
Հավելենք, որ «Մեգնա» և «Կարկոմավտո» ՍՊԸ-ները պատկանում են նույն անձի՝ նախկին ՀՅԴ-ական պատգամավոր Կարեն Շախմուրադյանի ընտանիքին։
Գայանե Խաչատրյան
