05.10.2026 | 23:19
Փաշինյանը նոր նշանակումներ է արել
Անդրանիկ Սիմոնյանը նշանակվել է ԱԱԾ տնօրեն
Հասարակություն
28.06.2025 | 11:46
ՀՀ վարչապետ Նիկոլ Փաշինյանը որոշում է ստորագրել Անդրանիկ Սիմոնյանին ազգային անվտանգության ծառայության տնօրեն նշանակելու մասին:
Որոշման մեջ նշվում է.
«Ղեկավարվելով «Հանրային ծառայության մասին» օրենքի 9-րդ հոդվածի 5-րդ մասով և «Ազգային անվտանգության մարմինների մասին» օրենքի 4.1-ին հոդվածի 2-րդ մասով՝ Անդրանիկ Սիմոնյանին նշանակել ազգային անվտանգության ծառայության տնօրեն»:
Փաշինյանի մեկ այլ որոշմամբ՝ Սիմոնյանն ազատվել է ազգային անվտանգության ծառայության տնօրենի տեղակալի պաշտոնից:
Հիշեցնենք՝ 2014-2018 թթ. Սիմոնյանն աշխատել է Երևան քաղաքի Կենտրոն և Նորք-Մարաշ վարչական շրջանների դատախազության դատախազ։ Այնուհետև ՀՀ նախագահի 2020թ. հունիսի 26-ի հրամանագրով նշանակվել է Լոռու մարզի առաջին ատյանի ընդհանուր իրավասության դատարանի դատավոր։
2021թ. մարտի 26-ի ՀՀ վարչապետի որոշմամբ նշանակվել է ՀՀ քննչական կոմիտեի նախագահի տեղակալ, 2024-ի մարտից ծառայության է անցել ԱԱԾ-ում։
