31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Այն, ինչ կատարվում է մեր երկրում, անթույլատրելի է, կարմիր գիծ է խախտվել․ Վահան Արծրունի
Քաղաքականություն
27.06.2025 | 20:13
«Այն, ինչ կատարվում է մեր երկրում, անթույլատրելի է։ Սա հերթական կարմիր գիծն էր, որն իշխանությունն իր գործողություններով հատեց։ Իշխանությանը կոչ եմ անում սթափվել և հասկանալ, որ պետք է հետ քաշվել, փորձել ավելի ցիվիլ գործել։ Այս գործողությունների շարունակությունը բացի ժողովրդի ցասումից, այլ բան չի կարող արթնացնել»,- Factor TV-ի հետ զրույցում տեսակետ է հայտնել կոմպոզիտոր, երգիչ Վահան Արծրունին՝ անդրադառնալով Մայր Աթոռի բակում այսօր տեղի ունեցած իրադարձություններին։
Նրա համոզմամբ՝ իշխանության քայլերի հետևանքով ժողովրդի շրջանում գլուխ են բարձրացնում պատմական ռեֆլեքսները, իսկ դա, Արծրունու խոսքով, իշխանությանը լավ տեղ չի կարող տանել․
«Այս ողջ պատմությունը, երբ Մայր Աթոռը պաշարվում է իշխանականների կողմից, ինձ հիշեցնում է բոլշևիկյան պատմության կրկնություն, որը մեր եկեղեցին, ազգն արդեն տեսել է։ Իշխանությունը ներխուժել է մի տարածք, որտեղ չէր կարելի նման իրավիճակ ստեղծել»։
Վահան Արծրունու խոսքով՝ ԱԱԾ-ականները գործիք են իշխանության ձեռքում, անում են այն, ինչ իրենց հրահանգում են, ընդ որում, կոմպոզիտորի տպավորությամբ, անում են դա մեծ պատրաստակամությամբ․
«Նրանք թերևս ամենահետևողականն են իրենց մասնագիտական պարտավորությունները կատարելու հարցում․․․Փաստացի, պետական ինստիտուտը պաշարել է Մայր Աթոռը։ Իշխանությունների կողմից որևէ պատճառաբանություն այլևս կարևոր չէ»։
Աննա Բաբաջանյան
