23.05.2026 | 16:30
Էս խելագարը բռնում է քաղաքացիներին ու պատասխան է պահանջում չզոհվելու համար. Ագնեսա Խամոյան. ՏԵՍԱՆՅՈՒԹ
ԵՄ-ին չի հաջողվել հաստատել Ռուսաստանի դեմ պատժամիջոցների 18-րդ փաթեթը
Քաղաքականություն
27.06.2025 | 17:29
ԵՄ-ն չի կարողացել հաստատել Ռուսաստանի դեմ պատժամիջոցների 18-րդ փաթեթը, այս մասին Բրյուսելում ԵՄ գագաթնաժողովի շրջանակներում մամուլի ասուլիսում հայտարարել է Եվրոպական խորհրդի նախագահ Անտոնիո Կոշտան, գրում է Current time-ը։
Նրա խոսքով՝ նոր փաթեթի ընդունման աշխատանքները շարունակվում են և«գտնվում են առաջադեմ փուլում»։
Եվրոպական հանձնաժողովի նախագահ Ուրսուլա ֆոն դեր Լեյենը վստահություն է հայտնել, որ աշխատանքները «շուտով» կավարտվեն։
Ավելի վաղ Index պորտալը, հղում անելով իր աղբյուրներին, հայտնել էր, որ նոր փաթեթի վրա վետո է դրել Սլովակիայի վարչապետ Ռոբերտ Ֆիցոն։
Լրատվամիջոցը գրում է, որ գագաթնաժողովից առաջ նա բանակցություններ է վարել Եվրահանձնաժողովի նախագահ Ուրսուլա ֆոն դեր Լեյենի հետ, սակայն դրանք չեն հանգեցրել փոխզիջման։ Արդյունքում, պատժամիջոցների փաթեթի քննարկումը հանվել է օրակարգից՝ դրա պաշտոնական մերժումից խուսափելու համար։
Reuters-ը և AFP-ն-ն էլ հղում անելով իրենց աղբյուրներին գրում են, որ ԵՄ երկրները պայմանավորվել են Ռուսաստանի դեմ գործող պատժամիջոցները երկարաձգել ևս վեց ամսով։
Պատժամիջոցների 18-րդ փաթեթը, ի թիվս այլ բաների, ներառում է ռուսական հում նավթի գնի շեմի իջեցում՝ 60 դոլարից մինչև 45 դոլար, երկու «Հյուսիսային հոսք»-երի արգելք և սահմանափակումները շրջանցող բանկերի հետ գործարքների արգելման հնարավորություն։
Սլովակիան և Հունգարիան դեմ են նոր սահմանափակումների ներդրմանը: Սլովակիայի վարչապետի խոսքով՝ լրացուցիչ պատժամիջոցները կարող են հանգեցնել մատակարարման պակասի և գների բարձրացման, ինչպես նաև՝ մինչև 20 միլիարդ եվրոյի կորուստների «Գազպրոմի» հետ երկարաժամկետ պայմանագիրը խախտելու համար: Հունգարիայի արտաքին գործերի նախարար Պետեր Սիյարտոն էլ կարծում է, որ նոր պատժամիջոցները կհանգեցնեն Եվրոպայում կոմունալ վճարների աճի:
Թարգմանությունը` Էմմա Չոբանյանի
