24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Վարչապետի խոսնակը ԱԱԾ-ի գործողությունները Մայր Աթոռում չի մեկնաբանում
Քաղաքականություն
27.06.2025 | 12:47
Իրավապահների գործողությունները չենք մեկնաբանում։ Այս մասին Factor.am-ի հետ զրույցում ասաց ՀՀ վարչապետի մամուլի խոսնակ Նազելի Բաղդասարյանը՝ անդրադառնալով Մայր Աթոռում այս պահին ընթացող իրադարություններին։
Հիշեցնենք՝ մոտ մեկ ժամ առաջ դիմակավորված ԱԱԾ-ականները, ոստիկանության ծառայողների հետ ներխուժեցին Մայր Աթոռի տարածք։ Նրանք ցանկանում են բերման ենթարկել Շիրակի թեմի առաջնորդ Միքայել արքեպիսկոպոս Աջապահյանին։ Դատախազությունը նրան մեղադրում է հեղաշրջում անելու կոչի համար: Փաստաբան Արա Զոհրաբյանը քիչ առաջ Մայր Աթոռում հավաքվածներին, այդ թվում՝ Շիրակի թեմի առաջնորդին ներկայացրեց նրա նկատմամբ նախաձեռնված քրեական վարույթի մանրամասները.
«Ներկայացվում է ՔԿ քննիչի որոշում, որի համաձայն պետք է Միքայել սրբազանին ձերբակալեն՝ կալանավորման ներկայացնելու նպատակով: Այս քրեական գործը հարուցվել է ՆԳՆ ոստիկանության վարչության կողմից ստացված հաղորդման հիման վրա հունիսի 17-ին, առիթը նշված է 2024թ. փետրվարի 3-ին տված հարցազրույցի ժամանակ Միքայել սրբազանի խոսքերը»:
Նարեկ Կիրակոսյան
