04.06.2026 | 11:18
«Ռոլան Գարոսում» հայտնի են կիսաեզրափակիչի զույգերը
Տարհանվել է 350 բնակիչ, այրվել է 6 մեքենա․ հրդեհ՝ Երևանի Ծարավ Աղբյուր փողոցի շենքերից մեկի ավտոկայանատեղիում․ ՏԵՍԱՆՅՈՒԹ
27.06.2025 | 10:09
Հունիսի 27-ին, ժամը 04:38-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ծարավ Աղբյուր փողոցի շենքերից մեկի տակ գտնվող ավտոկայանատեղիում հրդեհ է բռնկվել. հայտնում են ՆԳՆ ՓԾ-ից։
Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ, Ճգնաժամային կառավարման ազգային կենտրոնի օպերատիվ խմբերը և մեկ ավտոսանդուղք:
Անվտանգության նկատառումներից ելնելով շենքից տարհանվել են 350 բնակիչ։
Շենքի ստորգետնյա ավտոկայանատեղիում այրվում են ավտոմեքենաներ։
Նախնական տվյալներով տուժածներ չկան։
Հրդեհը մեկուսացվել է ժամը 07։00-ին, մարվել՝ 08։36-ին։ Այրվել են վեց ավտոմեքենա, որից երկուսը՝ մասամբ։
Հրշեջ-փրկարարներին հաջողվել է կանխել հրդեհի տարածումը հարակից ավտոմեքենաներ և շինության այլ հատվածներ։
Factor.am-ին ՆԳՆ մամուլի խոսնակ Նարեկ Սարգսյանը հայտնել է, որ տարհանված բնակիչները վերադարձել են իրենց բնակարաններ։
