Ինչ պատիժ կարող է սպառնալ Բագրատ Գալստանյանին և մյուս մեղադրյալներին

«Սրբազան պայքար» շարժման առաջնորդ Բագրատ Գալստանյանին և կալանավորված մյուս 14 անձանց մեղադրանք է առաջադրվել ՀՀ քրեական օրենսգրքի 43-419-րդ հոդվածի 1-ին մասի (իշխանությունը զավթելը` բռնություն գործադրելու կամ բռնություն գործադրելու սպառնալիքի միջոցով, ինչպես նաև Սահմանադրությամբ չնախատեսված այլ եղանակով Հանրապետության նախագահի, Ազգային ժողովի, Կառավարության կամ Սահմանադրական դատարանի լիազորություններին տիրանալու նախապատրաստում) և 43-308-րդ հոդվածի 1-ին մասի (պայթյուն, հրկիզում կամ այլ հանրավտանգ արարք կատարելը կամ դրա իրական սպառնալիքը կամ շինություն կամ տրանսպորտային, հաղորդակցության կամ կապի միջոց, այլ հաղորդակցության ուղի զավթելը կամ պահելը՝ զուգորդված քաղաքացիական անձին կամ զինված ընդհարման ժամանակ ռազմական գործողություններին ակտիվորեն չմասնակցող անձին կյանքից զրկելու, առողջությանը ծանր կամ միջին ծանրության վնաս պատճառելու, խոշոր չափերի գույքային վնաս պատճառելու կամ այլ ծանր հետևանք առաջացնելու վտանգով, որի նպատակն է բնակչությանը կամ դրա առանձին խմբին ահաբեկելը, հանրային իշխանության մարմինների գործունեությունը կազմալուծելը, հանրային իշխանության ներկայացուցչին, պետական կամ հանրային ծառայողին կամ միջազգային կազմակերպության ներկայացուցչին կամ այլ կազմակերպությունում ծառայող անձին որևէ արարք կատարելուն կամ հանցավորի այլ պահանջը կատարելուն հարկադրելը, ինչպես նաև միջազգային պայմանագրերով ահաբեկչություն համարվող ցանկացած այլ արարքի նախապատրաստում) հատկանիշներով։

Առաջադրված մեղադրանքներից առաջինի հոդվածը նախատեսում է ազատազրկում 10-15 տարի ժամկետով, երկրորդը՝ 8-12 տարի։ Վերջնական պատժաչափի մասին խոսելը,սակայն, դեռ շատ վաղ է, քանի որ նախաքննության կամ դատաքննության փուլում հնարավոր է մեղադրանքը վերաորակվի, դրվագներ ավելացվեն կամ հակառակը, մեղադրյալներն արդարացվեն առաջադրված մեղադրանքում։

Ռոզա Վարդանյան