Հասարակություն
25.06.2025 | 18:58
Երեկ երեկոյան Էջմիածնում հնչած կրակոցների դեպքի առթիվ նախաձեռնվել է քրեական վարույթ, կա մեկ ձերբակալված անձ, այս մասին Factor.am-ին տեղեկացրին ՔԿ-ից։
Իրավապահ կառույցին մանրամասնեցին, որ քրեական վարույթը նախաձեռնվել է Քրեական օրենսգրքի 297-րդ հոդվածի 3-րդ մասի հատկանիշներով, այն է՝ խուլիգանություն, որը կատարվել է զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ կամ դրա գործադրման սպառնալիքով։
Մեր տեղեկություններով` ձերբակալված անձը ԵԿՄ նախկին նախագահ Մանվել Գրիգորյանի թոռն է՝ Մանվել Գրիգորյանը։
Ավելի վաղ shamshyan.com-ը գրել էր, որ Երևան-Արմավիր ավտոճանապարհին՝ Վաղարշապատ քաղաքի Աշտարակի խճուղում գործող գազալցակայանում, կրակոցներ են հնչել։
Մանյա Պողոսյան
