09.10.2026 | 22:44
ԱԺ-ից հաստատում են՝ Civic-ին աշխատակազմն է տրամադրել հոկտեմբերի 6-ի միջադեպի կադրերը
Բագրատ Սրբազանին, իմ տեղեկություններով, կալանավորելու են․ Հայկ Մամիջանյան․ ՏԵՍԱՆՅՈՒԹ
Հասարակություն
25.06.2025 | 12:16
«Իմ ունեցած տեղեկություններով, ամենայն հավանականությամբ, ամեն ինչ տանում են նրան, որ Բագրատ Սրբազանի նկատմամբ կալանք կիրառվի»,- Բագրատ Գալստանյանի կեցավայրի մոտ իրականացվող խուզարկության ժամանակ ասաց «Պատիվ ունեմ» խմբակցության պատգամավոր Հայկ Մամիջանյանը։
«Նիկոլի Հայաստանում ի՞նչ որ բան պիտի անես, որպեսզի կալանավորվես։ Պիտի հայրենասեր լինես, պիտի քո արժեքների համար պայքարես։ Ես Նիկոլի Հայաստանում ոչինչ չեմ բացառում։ Հայաստանում էտքան բանտ չկա, որ մեր բոլոր հայրենասերներին տանեն»,- ասում է Մամիջանյանը։
Մամիջանյանի խոսքով՝ իշխանության զավթման մասին ՔԿ պլանի հրապարակումը իրենց չի վախեցնում և իրենց ուժն ամեն կերպ կպայքարի։ Հարցին, թե արդյոք այս ամենը կարող է նոր ընդդիմադիր շարժման համար տրիգեր դառնալ, Մամիջանյանն արձագանքեց․
«Հիմա ձեզ եմ դիմում և մեր հայրենակիցներին՝ էլ ի՞նչ տրիգեր է մեզ պետք։ 2021 թվականից ադրբեջանցիները մեր սուրվերեն տարածքում են, միջնորդը՝ Ադրբեջանի հետ հարաբերություններում Թուրքիան է, կաթողիկոսի և եկեղեցու վրա արշավ է սկսում»,- ասաց Մամիջանյանը։ Պատգամավորի պնդմամբ՝ 7 տարիների ընթացքում երբևէ հակասահմանադրական գործունեության կամ պլանների մասին չի լսել՝ ներառյալ Սրբազան պայքարի շրջանակներում։
«Բագրատ Սրբազանը՝ Հայ առաքելական եկեղեցու արքեպիսկոպոս, նման ահաբեկչություն էր ծրագրե՞լ։ Աբսուրդի, մառազմի սահման պետք է լինի»,- ասաց պատգամավորը։
Հիշեցնենք, որ այսօր առավոտյան Քննչական կոմիտեն հաղորդագրություն էր տարածել՝ նշելով, որ «Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ։
Մանրամասները՝ տեսանյութում։
