Իրանը չի խախտի հրադադարը, եթե Իսրայելը դա չանի. Փեզեշքիան

Իրանի նախագահ Մասուդ Փեզեշքիանը հայտարարել է, որ երկիրը կշարունակի հավատարիմ մնալ հրադադարին, «քանի դեռ սիոնիստական ​​ռեժիմը չի խախտում այն»։ Մալայզիայի վարչապետի հետ հեռախոսազրույցի ընթացքում Իրանի նախագահը նշել է, որ «սիոնիստական ​​ռեժիմը և նրա կողմնակիցները հույս ունեին դժգոհություն առաջացնել իրանցիների շրջանում: Այնուամենայնիվ, իրանցի ժողովուրդը ցույց է տվել, որ որոշ չնայած խնդիրներին, նրանք միասնական են մնում թշնամու ագրեսիայի դեմ»:

Ըստ Իրանի նախագահի`Իսրայելը հարձակվել է՝ մտածելով, թե Թեհրանը բավարար միջոցներ չունի արձագանքելու և մի քանի օրվա ընթացքում կհանձնվի։

«Սիոնիստական ​​ռեժիմը և նրա կողմնակիցները նաև հույսը դրել են դժգոհություն հրահրելու և իրանցի ժողովրդին մոբիլիզացնելու վրա»,-ասել է Փեզեշքիանը։

«Երբ սիոնիստական ​​ռեժիմը չկարողացավ հասնել իր նպատակներին, ԱՄՆ-ն անմիջականորեն մասնակցեց Իրանի դեմ ուղղված հանցագործություններին և, խախտելով բոլոր միջազգային կանոնները, հարձակվեց իրանական միջուկային օբյեկտների վրա», – հայտարարել է նա`ընդգծելով, որ Իրանը բոլոր հարևան և տարածաշրջանային երկրներին համարում է բարեկամներ և եղբայրներ և միշտ ձգտել է խորացնել և ամրապնդել նրանց հետ հարաբերություններն ու համագործակցությունը։

Փեզեշքիանը հավելել է, որ «Իրանը ստիպված էր արձագանքել ԱՄՆ հանցագործություններին՝ հարձակվելով Կատարում գտնվող ամերիկյան ավիաբազայի վրա, նշելով, որ դա չի նշանակում, որ Իրանը հակամարտության մեջ է Կատարի կառավարության և ժողովրդի հետ»։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելը չի պատրաստվում հարձակվել Իրանի վրա և հրադադարը ուժի մեջ է։

Թարգմանությունը Էմմա Չոբանյանի