06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Ամերիաբանկը բացում է ուղիղ ճանապարհ դեպի ֆոնդային բորսա․ MyInvest-ը տրամադրում է հասանելիություն AMXTrader-ին. ՏԵՍԱՆՅՈՒԹ
23.06.2025 | 21:02
Վճարովի բովանդակություն
Ամերիաբանկը դարձավ Հայաստանի առաջին բանկը, որն իր ներդրումային հաճախորդներին հնարավորություն է տալիս MyInvest հարթակի միջոցով ուղիղ միանալ Հայաստանի ֆոնդային բորսայի AMXTrader առևտրային համակարգին։ Այս նորարարական քայլը նշանավորվեց բորսայում ավանդական զանգի հնչեցմամբ։
Այժմ MyInvest-ի օգտատերերը կարող են իրենց MyAmeria բջջային հավելվածից ուղիղ ներկայացնել առուվաճառքի հայտեր, որոնք ակնթարթորեն արտացոլվում են առևտրային համակարգում։ Ամերիաբանկի այս քայլը ոչ միայն զգալիորեն արագացնում է գործարքները, այլև վերացնում է թղթային փաստաթղթաշրջանառության անհրաժեշտությունը և նվազեցնում մարդկային սխալների ռիսկը։ Ուղիղ հասանելիությունն AMXTrader առևտրային հարթակին ստեղծում է նոր որակի փորձառություն՝ թե՛ ներդրողի, թե՛ ֆինանսական կազմակերպության համար։
MyInvest-ը Ամերիաբանկի թվային ներդրումային հարթակն է, որն ապահովում է մուտք ավելի քան 30 միջազգային շուկա՝ 20,000-ից ավելի բաժնետոմսերի և պարտատոմսերի հասանելիությամբ։ Հաճախորդները կարող են գործարքներ իրականացնել նաև պարտատոմսերի շուկայում, ցուցաբերել մեծ ակտիվություն՝ նպաստելով բորսայի ակտիվության աճին։
Այս նոր հնարավորությունն ամրապնդում է Ամերաբանկի դիրքը որպես թվայնացման առաջամարտիկ՝ ստեղծելով ավելի հարմարավետ, արագ և ճշգրիտ գործիք ներդրումների կառավարման համար։
Ամերիաբանկից ընդգծում են՝ ուղիղ հասանելիությունն AMXTrader առևտրային հարթակին ևս մեկ կարևոր քայլ է դեպի լիարժեք թվայնացված ներդրումային միջավայր, որտեղ ներդրողները կարող են վերահսկել իրենց պորտֆելն ու կատարել գործարքներ իրական ժամանակում։ Նման ինտեգրումները խթանում են կապիտալ շուկայի զարգացումը՝ այն դարձնելով ավելի մատչելի, թափանցիկ և արդյունավետ բոլոր մասնակիցների համար։
Մանրամասները՝ տեսանյութում։
Արփի Հակոբյան
