Հունաստանի իշխանությունները ադրբեջանցու են ձերբակալել լրտեսության մեղադրանքով

Հունաստանի իշխանությունները լրտեսության մեղադրանքով կալանավորել են ադրբեջանցու, որը կիրակի օրը ձերբակալվել է Կրետե կղզու հյուսիսարևմտյան ափին գտնվող Սուդա ռազմածովային բազան լուսանկարելիս, հայտնում է հունական Kathimerini-ին։

Աղբյուրները հայտնել են, որ 26-ամյա տղամարդը ձերբակալվել է Ազգային հետախուզական ծառայության (EYP) և Հունաստանի ոստիկանության համատեղ գործողության արդյունքում՝ հավելելով, որ կասկածյալը ծնվել է Ադրբեջանում, բայց ունի լեհական անձնագիր։

Տղամարդը հյուրանոցի համար է ամրագրել հունիսի 18-ին՝ խնդրելով, որ այն լինի Սուդայի ծոցի տեսարանով։  Նրա մոտ հայտնաբերված տեսախցիկից և նոութբուքից հավաքված թվային ապացույցները պարունակում են մոտ 5000 ֆայլ՝ բազա մտնող և դուրս եկող նավերի մասին։ Նույն աղբյուրները հայտնել են, որ կասկածյալը չի ​​համագործակցում իշխանությունների հետ։

Իշխանությունները հետաքննում են նրա հնարավոր կապը մեկ այլ ադրբեջանցու հետ, որը մի քանի օր առաջ ձերբակալվել էր Լիմասոլում, նույնպես լրտեսության կասկածանքով, որը հիմնականում կապված էր բրիտանական ռազմական բազաների հետ։

Ձերբակալությունը տեղի է ունեցել այն բանից հետո, երբ Իսրայելի արտաքին գործերի նախարար Գիդեոն Սաարը շաբաթ երեկոյան հայտարարել է, որ Իրանի Իսլամական հեղափոխության պահապանների կորպուսը (ԻՀՊԿ) փորձել է ահաբեկչական հարձակում իրականացնել Կիպրոսում Իսրայելի քաղաքացիների դեմ։

Հարձակումը կանխվել է Կիպրոսի անվտանգության մարմինների կողմից՝ համագործակցելով Իսրայելի անվտանգության ծառայությունների հետ։

Թարգմանությունը՝ Էմմա Չոբանյանի