09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
WSJ. ԱՄՆ-ն Իրանին փոխանցել է, որ հարվածները միջուկային օբյեկտներին եղել են մեկանգամյա գործողություն
Քաղաքականություն
22.06.2025 | 15:13
Դոնալդ Թրամփի վարչակազմը կապ է հաստատել Իրանի իշխանությունների հետ և հստակ հասկացրել, որ միջուկային օբյեկտների նկատմամբ հարվածները եղել են մեկանգամյա գործողություն և ուղղված չեն եղել Թեհրանում ռեժիմի փոփոխության վրա, գրում է The Wall Street Journal-ը՝ հղում անելով Սպիտակ տան բարձրաստիճան պաշտոնյայի, փոխանցում է Meduza-ն։
Ավելի վաղ՝ հունիսի 19-ին, Դոնալդ Թրամփն ասել էր, որ Իրանին կտա երկու շաբաթ՝ ԱՄՆ պահանջներին ենթարկվելու համար՝ մինչև հարձակման հրաման տալը։ Սակայն ընդամենը երկու օր անց ԱՄՆ նախագահը հաստատել է հարվածը Իրանի միջուկային օբյեկտներին։
«Նպատակը եղել է ստեղծել մի իրավիճակ, երբ դրան ոչ ոք չէր սպասում»,-ասել է վարչակազմի բարձրաստիճան ներկայացուցիչը։
Ինչպես նշում է պարբերականը, Վաշինգտոնը հարվածների որոշումը կայացրել է մի քանի շաբաթ տևած քննարկումներից և Իսրայելի վարչապետ Բենիամին Նեթանյահուի հետ ուղղակի համակարգումից հետո։
Հիշեցնենք՝ հունիսի 22-ի գիշերը ԱՄՆ զինված ուժերը օդային հարվածներ են հասցրել Իրանի միջուկային ծրագրի երեք օբյեկտների՝ Ֆորդոյում, Նաթանզում և Սպահան քաղաքում։ Դոնալդ Թրամփը իր ելույթում նշել է, որ Թեհրանի ուրան հարստացնելու հիմնական օբյեկտները ոչնչացվել են։ Իրանի իշխանությունները հաստատել են հարձակումը՝ նշելով, որ այն «երկարաժամկետ հետևանքներ» է ունենալու։
