07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Նեթանյահուն շնորհակալություն է հայտնել Թրամփին
Քաղաքականություն
22.06.2025 | 12:42
Իսրայելի վարչապետ Բենյամին Նեթանյահուն շնորհակալություն է հայտնել Դոնալդ Թրամփին Իրանի վրա հարվածներ հասցնելու «խիզախ որոշման» համար, փոխանցում է BBC-ի ռուսական ծառայությունը։
Իսրայելի վարչապետը հայտարարել է, որ այդ որոշումը պատմական շրջադարձային պահ է, որը կարող է Մերձավոր Արևելքին օգնել մտնելու խաղաղության և բարեկեցության նոր դարաշրջան։
«Պատմության մեջ կգրվի, որ նախագահ Թրամփն արեց ամեն ինչ, որպեսզի զրկի աշխարհի ամենավտանգավոր ռեժիմին աշխարհի ամենավտանգավոր զենքից»,-ասել է Նեթանյահուն իր ելույթում՝ հավելելով, որ հարվածները ցույց տվեցին, թե «Ամերիկան իրոք իրեն հավասարը չունի»։
Նա նաև դիմել է իսրայելցիներին՝ հայտնելով, որ Իրանի միջուկային օբյեկտները ոչնչացնելու իր խոստումը «կատարվել է»։
Ի պատասխան՝ Թրամփը իր ելույթում շնորհավորել է Նեթանյահուին և ասել, որ իրենք գործել են որպես թիմ՝ «այսպես գուցե երբեք ոչ մի թիմ չի գործել»։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել է, որ ամերիկյան ավիացիան հարվածներ է հասցրել Իրանում գտնվող երեք միջուկային օբյեկտներին՝ Ֆորդոյում, Նաթանզում և Սպահանում։
Ամերիկայի նախագահը նաև ուղերձով է հանդես եկել։ Իր ելույթում, որը տևել է երեք րոպե, Թրամփն ասել է, որ Իրանի ապագան կամ խաղաղություն է, կամ ողբերգություն, և կան բազմաթիվ այլ թիրախներ, որոնք կարող են խոցվել ամերիկացի զինվորականների կողմից: Նա հայտարարել է, որ եթե խաղաղության գործընթացն արագ տեղի չունենա, ապա ԱՄՆ-ն այլ նպատակներ է հետապնդելու՝ ճշգրտությամբ, արագությամբ և հմտությամբ:
