Քաղաքականություն
20.06.2025 | 18:15
Հայաստանը պատրաստ է Ադրբեջանի հետ խաղաղության պայմանագիրը ստորագրել թեկուզ հիմա, Երևանը որևէ սահմանափակում կամ լրացուցիչ պայման չունի։ Այս մասին ՌԻԱ Նովոստիին ասել է ՀՀ փոխվարչապետ Մհեր Գրիգորյանը։
«Մենք պատրաստ ենք այն ստորագրել թեկուզ հիմա։ Մենք որևէ սահմանափակում կամ լրացուցիչ պայման չունենք։ Մենք պատրաստ ենք ստորագրել հիմա և ցանկանում ենք, որ դա արվի որքան հնարավոր է շուտ՝ որքան շուտ, այնքան՝ լավ», – ասել է Գրիգորյանը Սանկտ Պետերբուրգի միջազգային տնտեսական ֆորումի շրջանակներում։
Նա հավելել է, որ այս պահին փաստաթղթի ստորագրման կոնկրետ վայրի և ժամանակի վերաբերյալ որևէ պայմանավորվածություն չկա։
Սանկտ Պետերբուրգի միջազգային տնտեսական ֆորումը անցկացվում է հունիսի 18-21-ը։ Հայաստանը ներկայացնում է փոխվարչապետ Մհեր Գրիգորյանը։
Թարգմանությունը՝ Էմմա Չոբանյանի
