01.08.2026 | 11:55
Մարմնամարզության Հայաստանի հավաքականը Եվրոպայի առաջնությունից առաջ ուսումնամարզական հավաք կանցկացնի Խորվաթիայում
Պեսկովն ափսոսում է, որ Փաշինյանն անձամբ չի մասնակցի Մինսկում կայանալիք ԵՏՄ նիստին
Քաղաքականություն
20.06.2025 | 14:52
ՌԴ նախագահի մամուլի խոսնակ Դմիտրի Պեսկովն ափսոսանք է հայտնել, որ Հայաստանի վարչապետ Նիկոլ Փաշինյանը չի մեկնի Մինսկ՝ մասնակցելու Եվրասիական տնտեսական միության գագաթնաժողովին, գրում է ՏԱՍՍ-ը։
«Իհարկե, ցավալի է։ Բայց Հայաստանը ամեն դեպքում ներկա կլինի տեսակապի միջոցով։ Հայաստանը ԵՏՄ անդամ է, կարևոր անդամ», – ասել է Կրեմլի ներկայացուցիչը ճեպազրույցի ժամանակ՝ պատասխանելով այն հարցին, թե ինչպես է Կրեմլն արձագանքել Փաշինյանի որոշմանը։
«Սա այն երկիրն է, որը, ի դեպ, մեծ դիվիդենտներ է ստանում իր ազգային տնտեսության համար ԵՏՄ-ին անդամակցությունից։ ԵՏՄ-ին անդամակցությունը վստահորեն ամեն տարի մի քանի տոկոս է ավելացնում Հայաստանի տնտեսության աճին», – նշել է Պեսկովը։
Հիշեցնենք, որ Բելառուսի արտգործնախարար Մաքսիմ Ռիժենկովը լրագրողներին հայտնել էր, որ ԵՏՄ անդամ բոլոր պետությունների (Ռուսաստան, Ղազախստան, Ղրղզստան) ղեկավարները, բացառությամբ Հայաստանի վարչապետի, հաստատել են իրենց անձնական ներկայությունը կազմակերպության նիստին։ Նիկոլ Փաշինյանը ֆորումին կմասնակցի հեռակա՝ տեսակապի միջոցով։
Թարգմանությունը՝ Էմմա Չոբանյանի
