18.07.2026 | 13:56
ՌԴ-ն պատրաստվում է ռազմաճակատ ուղարկել նաև թմրամիջոցների մաքսանենգության և հանցավոր խմբավորումների գործերով դատապարտվածներին
«Ֆեստիվառ» փառատոնը մեծ հետաքրքրություն է առաջացրել նաև Վրաստանում
Հասարակություն
20.06.2025 | 16:10
ՀՀ կրթության, գիտության, մշակույթի և սպորտի նախարարության փոխանցմամբ, նախարար Ժաննա Անդրեասյանն ընդունել է Վրաստանի խորհրդարանի մշակույթի հանձնաժողովի նախագահ Գիորգի Գաբունիայի գլխավորած պատվիրակությանը։ Հանդիպմանը մասնակցել է նաև ՀՀ-ում Վրաստանի արտակարգ և լիազոր դեսպան Գիորգի Շարվաշիձեն։
Նշվում է, որ նախարարը կարևորել է երկու երկրներում անցկացվող մշակութային միջոցառումները՝ ընդգծելով հունիսի 5-7-ը Հայաստանում կազմակերպված Վրաստանի մշակույթի օրերը։
Գաբունիան անդրադարձել է Թբիլիսիում գործող Պետրոս Ադամյանի անվան պետական հայկական դրամատիկական թատրոնի վերակառուցման աշխատանքներին՝ նշելով, որ Վրաստանի կառավարությունը շարունակելու է ներդրումներ կատարել համատեղ մշակութային ժառանգության պահպանման ու զարգացման ուղղությամբ։
Նախարար Անդրեասյանն անդրադարձել է նաև նախորդ տարի հայ և վրացի կատարողների մասնակցությամբ Իջևանում անցկացված «Ֆեստիվառ» երաժշտական-զբոսաշրջային փառատոնին, որը մեծ հետաքրքրություն էր առաջացրել նաև Վրաստանում:
Նշվում է նաև, որ քննարկվել է ուսանողների և դասախոսների ակադեմիական շարժունության ծրագրերի իրականացման հնարավորությունը՝ ուղղված երկու երկրների կրթագիտական կապերի խորացմանը։
