13.01.2026 | 10:31
Հրդեհ Այգեստան գյուղում․ տանը քաղաքացու դի է հայտնաբերվել
ՄԱԳԱՏԷ-ի ղեկավարը հայտարարել է՝ չկար որևէ ցուցում «Իրանում միջուկային զենք արտադրելու համակարգված ծրագրի» մասին
Քաղաքականություն
20.06.2025 | 16:27
Իրանի միջուկային ծրագրի վերաբերյալ Ատոմային էներգիայի միջազգային գործակալության կողմից հավաքված ապացույցները «դժվար թե հիմք հանդիսանան որևէ ռազմական գործողության համար»։ Այս մասն հայտարարել է կազմակերպության ղեկավար Ռաֆայել Գրոսսին։
«Ռազմական գործողությունները, որտեղից էլ որ դրանք լինեն, քաղաքական որոշում են, որը որևէ կապ չունի մեր ասածի հետ», – CNN-ի Անդերսոն Քուփերի հետ հարցազրույցում ասել է Ռաֆայել Գրոսսին։
Իրանի դեմ առաջին հարվածների ալիքը սկսելուց հետո Իսրայելը մատնանշեց Ատոմային էներգիայի միջազգային գործակալության (ՄԱԳԱՏԷ) վերջին զեկույցը, որը նշում էր, որ Իրանը ուրանը հարստացնում է ավելի բարձր մակարդակի, քան միջուկային զենքի ծրագրեր չունեցող այլ երկրները՝ խախտելով միջուկային զենքի չտարածման իր պարտավորությունները։ Գրոսսին միաժամանակ նշել է, որ չկար որևէ ցուցում «Իրանում միջուկային զենք արտադրելու համակարգված ծրագրի» մասին։
Այս շաբաթ ԱՄՆ նախագահ Դոնալդ Թրամփը հայտարարել է, որ կարծում է, որ Իրանը «շատ մոտ է» միջուկային զենք ունենալուն։
Իսրայելը ԱՄՆ օգնության կարիք կունենա Իրանի Ֆորդոյի միջուկային օբյեկտը ոչնչացնելու համար, որը տեղակայված է իրանական լեռների խորքում ։ Քուփերի հարցին, թե արդյոք մտահոգված է Ֆորդոյի վրա ԱՄՆ-ի հնարավոր հարվածի հնարավոր հետևանքներով, Գրոսսին պատասխանել է. «Դիվանագիտությունը առաջ շարժվելու ճանապարհն է։ Ֆիզիկական կառույցները կարող են ոչնչացվել, բայց դուք չեք կարող ոչնչացնել գիտելիքը: Դուք չեք կարող ոչնչացնել տեխնոլոգիական առաջընթացը, երկրում ձեռք բերված առաջընթացը»։
Հիշեցնենք՝ Իսրայելի զինվորականները հայտարարել էին, որ սպանել են միջուկային ոլորտի իրանցի գիտնականների։
ՄԱԳԱՏԷ-ն այսօր հաստատել է, որ իրանական Արաք քաղաքի մոտ կառուցվող միջուկային օբյեկտին հարվածից վնասվել են «առանքցքային շենքերը»։
Հինգշաբթի օրը Իսրայելի ռազմական ինքնաթիռները ռմբակոծել են Արաքում գտնվող ռեակտորը։ Ատոմային էներգիայի միջազգային գործակալությունը հայտարարել է, որ տարածքում ռադիոակտիվ նյութ չկա։
Գրոսսին էլ ասել է, որ չնայած Իսրայելի հարվածները չեն առաջացրել «մեծ ռադիոլոգիական միջադեպ», այնուամենայնիվ, գոյություն ունի «ճառագայթային վթարի» վտանգ։
«Այս բարդ և շփոթեցնող հանգամանքներում անհրաժեշտ է, որ ՄԱԳԱՏԷ-ն ժամանակին և կանոնավոր կերպով ստանա միջուկային օբյեկտների վերաբերյալ տեխնիկական տեղեկատվություն»,-ասվում է հայտարարության մեջ։
