Արաղչին հայտարարել է, որ Իրանը չի բանակցի ԱՄՆ-ի հետ, քանի դեռ «շարունակվում է Իսրայելի ագրեսիան»

Իրանի ԱԳ նախարար Աբբաս Արաղչին հայտարարել է, որ ներկայիս իրավիճակում, երբ շարունակվում է «սիոնիստական ​​ռեժիմի ագրեսիան, մենք չեն ցանկանում բանակցություններ վարել», փոխանցում է Mehr գործակալությունը։

«Ամերիկացիները բազմիցս լուրջ ուղերձ են հղել լուրջ բանակցությունների համար։ Մենք ոչինչ չունենք ասելու Ամերիկային որպես այս հանցագործությունների գործընկերոջ։ Նրանք ուզում են անտարբեր տոնով ասել. «Եկեք բանակցենք»»,-ասել է Արաղչին։

Միաժամանակ նա հավելել է. «Մենք վաղը Ժնևում բանակցություններ կվարենք եվրոպական կողմերի հետ»։

Ընդգծելով, որ ոչ ոք կասկածներ չունի Իրանի հրթիռային կարողությունների վերաբերյալ, Արաղչին հայտարարել է. «Ոչ մի առողջ բանականություն թույլ չի տա մեզ բանակցել որևէ մեկի հետ մեր հրթիռային կարողությունների վերաբերյալ»։

Նա նշել է, որ եվրոպացիների հետ բանակցությունների թեման միջուկային և տարածաշրջանային հարցերն են ու հայտարարել․ «Մեր զինված ուժերի թիրախները ռազմական և տնտեսական կենտրոններն են»։

Արաղչին նաև հայտնել է, որ, որ ՄԱԿ-ի Անվտանգության խորհուրդը նիստ կանցկացնի Ռուսաստանի, Չինաստանի, Պակիստանի և Ալժիրի, ինչպես նաև խորհրդի որոշ այլ անդամների խնդրանքով։ Նա նաև հավելել է, որ Իրանի արտաքին գործերի նախարարությունը հունիսի 13-ին պատերազմի սկսվելուց ի վեր կանգնած է երկրի զինված ուժերի կողքին։

Հիշեցնենք, որ Ժնևում Արաղչին հանդիպելու է իր ֆրանսիացի, գերմանացի, բրիտանացի և ԵՄ գործընկերների հետ իրանական միջուկային ծրագիրը քննարկելու համար։

Թարգմանությունը՝ Էմմա Չոբանյանի