05.10.2026 | 23:19
Փաշինյանը նոր նշանակումներ է արել
ՀԷՑ-ը պե՞տք է պետականացվի. հարցում Երևանում. ՏԵՍԱՆՅՈՒԹ
Հասարակություն
19.06.2025 | 19:06
«Կարծում եմ՝ հասունացել է պահը, երբ «Հայաստանի էլեկտրական ցանցեր» ՓԲԸ-ն պետք է ազգայնացվի (պետականացվի)»,- այս մասին երեկ հայտարարեց վարչապետ Նիկոլ Փաշինյանը։ Նրա խոսքով՝ դա տեղի կունենա արագ։ Այս հայտարարությունը Փաշինյանն արեց միլիարդատեր, գործարար Սամվել Կարապետյանի տան խուզարկությունից ժամեր անց։
Խորհրդարանում լրագրողների հետ զրույցում նա նշել էր, թե «Ազգային ժողովում արդեն կա ՀԷՑ-ն ազգայնացնելու և կից օրենքներում փոփոխությունների նախագիծ»։ Որպես փաստարկ՝ վարչապետը նշել էր էներգամատակարարման խնդիրները և քաղաքացիների կրած վնասները։
Նշենք, որ առայժմ հայտնի չէ, թե ինչ մեխանիզմով է պետականացվելու Սամվել Կարապետյանի ընտանիքին պատկանող «Հայաստանի էլեկտրական ցանցեր» ՓԲԸ-ն, առավել ևս, որ ընկերության բաժնետոմսերը գրավադրված են միջազգային ֆինանսական կազմակերպություններում։
Արդյոք սպառողները գոհ են էլեկտրամատակարարման որակից և ինչ կարծիք ունեն ՀԷՑ-ի պետականացման վերաբերյալ։ Factor TV-ն հարցում է անցկացրել քաղաքացիների շրջանում՝ հասկանալու այս թեմաների շուրջ հասարակության տրամադրությունները։
Մանրամասները՝ տեսանյութում։
Անի Թամրազյան
