05.10.2026 | 23:05
ԱԺ նախագահը և Բելգիայի «Ռեֆորմիստական շարժում» կուսակցության նախագահը քննարկել են համագործակցության զարգացման հարցեր
Սամվել Կարապետյանին, որպես ՌԴ քաղաքացի, կտրամադրվի անհրաժեշտ օգնություն․ Զախարովա
Քաղաքականություն
19.06.2025 | 20:13
Գործարար Սամվել Կարապետյանին, որպես ՌԴ քաղաքացի, կտրամադրվի անհրաժեշտ օգնություն։Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում` անդրադառնալով հարցին, որ «Կարապետյանի դեմ գործողությունները ՀՀ-ի իշխանական ԶԼՄ-ներն արդարացնում են նրանով, որ նա Ռուսաստանի մարդն է»։
«Վերցնենք ցանկացած այլ իրավիճակ։ Գործողությունները չեն կարող արդարացվել, եթե խոսքը քրեական հետապնդման մասին է՝ լինի ազգային պատկանելիությամբ, թե քաղաքացիությամբ պայմանավորված։ Մենք արդեն ասել ենք, որ Ռուսաստանի Դաշնության քաղաքացին, ռուս գործարարը, ինչպես ՌԴ այլ քաղաքացի, միշտ օգնություն և աջակցություն է ստանում, եթե կապվում է դեսպանատան հետ՝ անձամբ կամ իր փաստաբանների միջոցով»,-ասել է Զախարովան։
Նա նշել է, որ այս թեման քննարկելու համար պետք է հասկանալ, թե ինչ է կատարվում՝ հստակ հայտարարությունների և մեղադրանքների շուրջ։
«Եվս մեկ անգամ. որպես Ռուսաստանի քաղաքացի և ռուս գործարար, նրան կտրամադրվի անհրաժեշտ օգնություն», -հայտարարել է Զախարովան։
Հիշեցնենք, որ Սամվել Կարապետյանին մեղադրանք է ներկայացվել իշխանությունը զավթելու հրապարակային կոչի հոդվածով։ Կարապետյանը կալանավորվել է: Փաստաբաններն ապօրինի են որակում մեղադրանքը, հայտնում, որ ինքը՝ միլիարդատերը, չի ընդունում մեղադրանքը։
Թարգմանությունը՝ Էմմա Չոբանյանի
