12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Հյուրընկալության ոլորտի առանցքային հարցերը՝ HIF Yerevan 2025 ֆորումի քննարկման կենտրոնում. ՏԵՍԱՆՅՈՒԹ
18.06.2025 | 20:53
Վճարովի բովանդակություն
Երևանն այսօր դարձել է հյուրընկալության բնագավառի զարգացմանն ուղղված քննարկումների կենտրոն` միավորելով համաշխարհային հյուրանոցային բրենդների, ներդրումային ֆոնդերի և հյուրընկալության ոլորտի առաջատարների։
Ամերիաբանկը, որպես Հայաստանի ամենախոշոր հարկատու բանկ և տնտեսության առավել նշանակալի դերակատարներից, միացել է ֆորումին որպես գլխավոր գործընկեր։
«Ակնկալում ենք, որ այս միջոցառմանը հնարավորություն կունենանք բաց քննարկել բոլոր խնդիրներն ու հնարավորությունները, որը լրացուցիչ խթան կհանդիսանա՝ նոր բիզնես կապեր հաստատելու և Հայաստանում ներդրումների ծավալները մեծացնելու համար»,- ասաց Ամերիաբանկի կորպորատիվ վաճառքների և հարաբերությունների կառավարման բաժնի ղեկավար Էդուարդ Առաքելյանը: Միավորել ջանքերն ու Հայաստանը դարձնել համաշխարհային զբոսաշրջության քարտեզի ճանաչելի կետ․ սա է ֆորումի հիմնական նպատակը։ Բանախոսների թվում էին էկոնոմիկայի նախարար Գևորգ Պապոյանը, Հայաստանում ՄԱԿ-ի մշտական համակարգող Ֆրանսուազ Ժակոբը, Տնտեսական համագործակցության և զարգացման կազմակերպության (OECD) Զբոսաշրջության կոմիտեի նախագահ Սերժիո Գերեյրոն, ինչպես նաև շուրջ 20 երկրից ժամանած բարձրաստիճան հյուրեր ու ոլորտային մասնագետներ:
«Մեզ համար նմանատիպ միջոցառումների կազմակերպումն ունի մեծ կարևորություն։ Ֆորումը իսկապես դարձել է հետաքրքիր հարթակ ինչպես ներդրողների, այնպես էլ մեր միջազգային գործընկերների համար։ Հույս ունենք, որ այն կդառնա նաև պետական կառույցների կողմից ճանաչված հարթակ։ Նախորդ ֆորումի ընթացքում մենք ունեցել ենք շատ լավ արդյունքներ՝ ստորագրվել են մի շարք խոշոր ու հետաքրքիր նախագծեր Հայաստանում։ Այդ միտումը շարունակվում է։ Մենք ակնկալում ենք, որ տարեցտարի այս հարթակում կներկայացվեն ավելի շատ նախագծեր։ Մեզ ոգևորում է մեր միջազգային գործընկերների ու ներդրողների կողմից ցուցաբերվող մեծ հետաքրքրությունը՝ նրանք ակտիվ արձագանքում են հրավերներին, մասնակցում ֆորումին, ինչը մեզ վստահություն է տալիս, որ ընթանում ենք ճիշտ ուղղությամբ»,- նշեց «Stone Development» ընկերության հիմնադիր տնօրեն Ակիմ Պողոսյանը:
Ամերիաբանկը վարկային պորտֆելով Հայաստանի ամենախոշոր ֆինանսական հաստատությունն է։ Բանկի կորպորոտիվ վարկային պորտֆելը կազմում է 750 միլիարդ դրամ։ Այս հանգամանքով է պայմանավորված բանկի հետաքրքրությունը՝ քննարկելու տնտեսության աճող ճյուղերի զարգացման հեռանկարներն ու բիզնեսի զարգացմանն ուղղված հանձնառությունը։
Կազմակերպիչները նշում են, որ ֆորումն այս մասշտաբով առաջին անգամ է անցկացվում Հայաստանում, և դրա շարունակականությունը կնպաստի ոչ միայն հյուրընկալության ոլորտի զարգացմանն առնչվող խնդիրների բարձրացմանը, այլև համապատասխան լուծումների ու առաջարկների մշակմամբ մեր երկրում ներդրումային միջավայրի բարելավմանը։
Մանրամասները` տեսանյութում:
Արփի Հակոբյան
