07.03.2026 | 18:43
ԱՄԷ-ում մնացած 183 ՀՀ քաղաքացի է գրանցվել դեսպանության ցուցակում, 37-ը կտեղափոխվեն Օման. ԱԳՆ
Արդյոք Իրանից Հայաստան հոսքը մեծացել է․ ըստ Սինանյանի՝ այն համապատասխանում է տուրիստական սեզոնին
Տնտեսություն
18.06.2025 | 18:23
Իրանից Հայաստան եկողների հոսքը մեծ է, որոշ ճանապարհներ ծանրաբեռնված են։ Այս մասին Factor.am-ին հետ զրույցում ասել են հայ-իրանական սահմանին մոտ ապրող բնակիչները։
CivilNet-ը լուսանկարներ էր հրապարակել հայ-իրանական սահմանից և նշել, որ հարյուրավոր իրանցիներ Մեղրիի անցակետն անցել են և շարժվում են դեպի Երևան։ Ըստ լրատվամիջոցի՝ տաքսիստները չափազանց մեծ գին են պահանջում իրանցիներին Երևան տեղափոխելու համար՝ 300 դոլար ամեն մեկից, իսկ սովորական պայմաններում տաքսին մինչև Երևան մեկ հոգու համար 10,000 դրամի չափ է։
ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանից հետաքրքրվեցինք՝ արդյոք տեղյակ են հայ-իրանական սահմանին տիրող իրավիճակից։ Սինանյանի փոխանցմամբ՝ Իրանից Հայաստան եկողների հոսքն այս պահին այդքան էլ մեծ չէ և համապատասխանում է տուրիստական սեզոնի մարդկային հոսքերին։
Դիտարկմանը, թե ինչու են այդ դեպքում տաքսիների գները սովորականից մի քանի անգամ բարձր, Սինանյանն արձագանքեց․ «Նման տեղեկություն չունենք, բնական է, որ տաքսիների գնագոյացման և մեր տաքսիստների օպորտունիզմի հետ որևէ կապ չունենք, չենք կարող կարգավորել»։
Factor TV-ն կապ հաստատեց նաև Սյունիքի մարզպետարանի և Մեղրիի համայնքապետարանի հետ։ Երկու կառույցներից էլ հայտնեցին, որ իրավասու չեն տեղեկատվություն տրամադրել։
Անի Թամրազյան
Լուսանկարը՝ Սիվիլնեթի
