23.05.2026 | 21:54
System of a Down-ը հուլիսին համերգ կտա Երևանում․ Փաշինյան
Սերժ Սարգսյանի վերաբերյալ երկու գործերը միացվեցին մեկ վարույթում
Հասարակություն
17.06.2025 | 17:55
Հայաստանի երրորդ նախագահ Սերժ Սարգսյանի վերաբերյալ երկու գործերը միացվեցին մեկ վարույթում: Խոսքը Իսակովի պողոտայի հողերը 2005-2007 թվականներին վաճառելու և Սիլվա Համբարձումյանից 2008 թվականին կաշառք վերցնելու գործերի մասին է: Երկու գործով էլ Սարգսյանը մեղադրանքը չի ընդունում:
Այսօր նշանակված էր Սիլվա Համբարձումյանից կաշառք վերցնելու գործի դատաքննությունը: Սարգսյանի պաշտպան Ամրամ Մակինյանը միջնորդեց միացնել գործերը, դրա դեմ առարկեց մեղադրող Հայկ Հովհաննիսյանը:
Մեղադրողը նշեց, որ Իսակովի պողոտայի հողերի գործով բացի Սերժ Սարգսյանից ներգրավված է նաև այլ մեղադրյալ, այդ գործերի փաստական հանգամանքները կապված չեն միմյանց հետ, ուստի՝ երկու գործերի միացումը կարող է ձգձգումների պատճառ հանդիսանալ և վտանգել արդարադատության շահը:
Դատարանը, սակայն որոշեց միացնել գործերը:
Արաքս Մամուլյան
