04.08.2026 | 21:17
Պուտինը ստորագրել է քաղաքական էմիգրանտների իրավունքները սահմանափակող օրենքը
Սեյրան Օհանյանն ու պաշտպանը չեն ներկայացել դատական նիստին
Հասարակություն
17.06.2025 | 15:52
Հայաստանի երկրորդ նախագահ Ռոբերտ Քոչարյանի և մյուսների գործով մեղադրյալ Սեյրան Օհանյանն ու պաշտպանն այսօր չեն ներկայացել Հակակոռուպցիոն դատարան: Սեյրան Օհանյանը առողջական խնդիրներ ունի, իսկ նրա պաշտպան Կարեն Մեջլումյանը մասնակցում է Փաստաբանների պալատի որակավորման քննությունների՝ որպես հանձնաժողովի անդամ:
Մեղադրյալի և պաշտպանի բացակայությամբ նիստը պետք է հետաձգվի, բայց մինչև հետաձգվելը դատարանն այժմ դռնփակ նիստով քննում է Արմեն Գևորգյանի պաշտպան Լուսինե Սահակյանի միջնորդությունը, որի բովանդակությունը հրապարակվելու է դռնփակ դատական նիստով:
Հակակոռուպցիոն դատարանում` նախագահությամբ դատավոր Սարգիս Պետրոսյանի, շարունակվում է Հայաստանի երկրորդ նախագահ Ռոբերտ Քոչարյանի, ՀԱՊԿ նախկին գլխավոր քարտուղար Յուրի Խաչատուրովի, Պաշտպանության նախկին նախարար Սեյրան Օհանյանի և նախկին փոխվարչապետ Արմեն Գևորգյանի գործի քննությունը:
Հիշեցնենք, որ Վճռաբեկ դատարանը բեկանել է Քոչարյանի և մյուսների նկատմամբ սահմանադրական կարգի տապալման հոդվածը հակասահմանադրական ճանաչելուց հետո Քոչարյանի, Խաչատուրովի, Արմեն Գևորգյանի և Սեյրան Օհանյանի նկատմամբ քրեական հետապնդումը դադարեցնելու և Մարտի 1-ի գործը կարճելու որոշումը և գործն ուղարկել առաջին ատյանի դատարան` նոր քննության:
Արաքս Մամուլյան
