14.07.2026 | 22:11
Հայաստանն ու Էստոնիան քննարկել են մասնագիտական կրթության ոլորտում համագործակցության ընդլայնումը
Սյունիքում Իրանի քաղաքացիների ներհոսքի ավելացում չի նկատվում․ մարզպետարան
Հասարակություն
17.06.2025 | 15:22
Այս պահին հայ-իրանական սահմանին և Սյունիքի մարզում Իրանի իսլամական հանրապետության քաղաքացիների ներհոսքի ավելացում չի նկատվում։ Այս մասին Factor.am-ին տեղեկացրեցին Սյունիքի մարզպետարանից։
Իրանին սահմանակից Սյունիքի մարզի պատկան կառույցից նաև նշեցին, որ Իրանի քաղաքացիների հոսքն ու շարժը միշտ էլ ակտիվ է եղել, հետևանար, ըստ մարզպետարանի, որևէ արտասովոր շարժ չկա։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային ոլորտի գիտնականներ և խաղաղ բնակիչներ։ Իրանն էլ ի պատասխան հարվածներ է հասցնում Իսրայելի տարածքին:
Մանյա Պողոսյան
