05.12.2025 | 22:31
Երևանում և 7 մարզում էլեկտրաէներգիայի անջատումներ կլինեն
Սպանվել է Իրանի նորանշանակ ԳՇ պետը․ իսրայելական կողմի պնդումը Թեհրանը դեռ չի հաստատում
Քաղաքականություն
17.06.2025 | 11:17
Իսրայելը հայտարարել է, որ Թեհրանում ավիահարվածից սպանվել է «Խաթամ ալ-Անբիա» կենտրոնական հրամանատարության (ՀՕՊ ուժերի շտաբ) նոր հրամանատար Ալի Շադմանին։ The Times of Israel—ը գրում է, որ մի քանի օր առաջ նշանակված բարձրաստիճան իրանցի գեներալը երեկ օդային հարվածի ժամանակ է սպանվել։ Գեներալ-մայոր Ալի Շադմանին ընդամենը օր ղեկավարել է Խաթամ-ալ Անբիա կենտրոնական շտաբը։
Շադմանին փոխարինել էր գեներալ-մայոր Ղոլամ Ալի Ռաշիդին, որը զոհվել էր ուրբաթ օրը Իրանի դեմ ուղղված Իսրայելի կողմից իրականացված առաջին հարվածների ժամանակ։ Իսրայելի պաշտպանության բանակը պնդում է, որ Շադմանին փաստացի Իրանի ամենաբարձրաստիճան ռազմական հրամանատարն էր, «ռազմական շտաբի պետը» և համարվում էր Իրանի գերագույն առաջնորդ Ալի Խամենեիին ամենամոտ մնացած ռազմական գործիչը։
«Նա ղեկավարել է և՛ Հեղափոխության պահապանների կորպուսը , և՛ Իրանի զինված ուժերը», – հայտարարել է Իսրայելի պաշտպանության բանակը։ Նշվում է, որ Շադմանիի հրամանատարության ներքո Խաթամ-ալ-Անբիա կենտրոնական շտաբը «պատասխանատու էր մարտական գործողությունների կառավարման և Իրանի հարձակման ծրագրերի հաստատման համար»։
«Իր տարբեր պաշտոններում նա անմիջական ազդեցություն է ունեցել Իրանի՝ Իսրայել պետության դեմ ուղղված հարձակողական ծրագրերի վրա», – ասված է իսրայելական կողմի հաղորդագրության մեջ։
Իրանի իշխանությունները դեռևս չեն մեկնաբանել իսրայելական բանակի այս հայտարարությունը։
Թարգմանությունը՝ Էմմա Չոբանյանի
