07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Այսօր չվերթներ չեն չեղարկվել, փոխարենը որոշ թռիչքների տևողությունն է ավելացել
16.06.2025 | 20:30
Իսրայելի և Իրանի միջև հակամարտությամբ պայմանավորված դեպի ՀՀ և Երևանից որևէ չվերթ այսօր չի չեղարկվել, փոխարենը որոշ թռիչքների տևողությունն է ավելացել։ Այս մասին Factor TV-ի հարցմանն ի պատասխան հայտնեցին Քաղաքացիական ավիացիայի կոմիտեից։
«Թռիչքի չեղարկումներ միայն առաջին օրն ենք ունեցել, հետագա օրերին արդեն խնդիրը կարգավորվել է։ Օդային ճանապարհն է միայն փոխվել, բայց Դուբայ, Աբու-Դաբի թռնում են։ Չեղարկված թռիչքներն Իրանի իսլամական հանրապետություն ուղղությամբ են այն պատճառով, որ երկրի օդային տարածքը փակ է»,- նշեց Կոմիտեի խոսնակ Լիլիթ Աղաբեկյանը։
FactorTV-ի հարցին՝ այսինքն, օդային ճանապարհն ավելի երկարե՞լ է, Աղաբեկյանը դրական պատասխան տվեց.
«Պարզապես շրջանցում են Իրանի օդային տարածքը և այլընտրանքային ճանապարհով գնում, ինչն էլ, կախված ուղղությունից, հնարավոր է՝ մի քանի ժամով երկարեցնի թռիչքի տևողությունը»։
Հիշեցնենք՝ Իսրայելը հունիսի 13-ի վաղ առավոտից հարվածներ էր հասցրել Իրանի տարածքին՝ թիրախավորելով Իրանի ռազմական և միջուկային օբյեկտները։ Ավելի ուշ Իրանը պատասխանել էր՝ Իսրայելի ուղղությամբ հրթիռային հարվածների ալիք ուղղելով։ Կողմերը շարունակում են փոխադարձ հարվածներ հասցնել միմյանց։
Ռոզա Վարդանյան
