06.12.2025 | 10:53
Արտարժույթների փոխարժեքները՝ դեկտեմբերի 6-ի դրությամբ
Իրանը ձգտում է բանակցել ԱՄՆ-ի և Իսրայելի հետ և դադարեցնել ռազմական գործողությունները. Թեհրանը դիմել է Պարսից ծոցի երկրներին․ WSJ
Քաղաքականություն
16.06.2025 | 20:56
Իրանը հրատապ ազդանշան է տալիս, որ ձգտում է դադարեցնել ռազմական գործողությունները և վերսկսել իր միջուկային ծրագրերի շուրջ բանակցությունները՝ արաբական միջնորդների միջոցով ազդանշաններ ուղարկելով Իսրայելին և Միացյալ Նահանգներին։ Այս մասին գրում է Wall Street Journal-ը՝ հղում անելով պաշտոնյաներին, փոխանցում է France 24-ը։
Ըստ հրապարակման՝ պաշտոնյաները հայտնում են, թե Թեհրանն արաբ պաշտոնյաներին ասել է, որ նրանք բաց կլինեն բանակցությունների սեղանի շուրջ վերադառնալու համար, քանի դեռ ԱՄՆ-ը չի միանում ռազմական գործողություններին։
Նրանք նաև ուղերձներ են հղել Իսրայելին՝ նշելով, որ բռնությունը զսպելը երկու կողմերի շահերից է բխում։
Բացի այդ, Թեհրանը խնդրել է Կատարին, Սաուդյան Արաբիային և Օմանին ճնշում գործադրել ԱՄՆ նախագահ Դոնալդ Թրամփի վրա՝ Իսրայելի վրա իր ազդեցությունն օգտագործելու և Իրանի հետ անհապաղ հրադադար կնքելու համաձայնության գալու համար՝ միջուկային բանակցություններում Թեհրանի ճկունության դիմաց, Reuters-ին հայտնել են երկու իրանական և երեք տարածաշրջանային աղբյուր։
Պարսից ծոցի առաջնորդները և նրանց բարձրաստիճան դիվանագետներն ամբողջ շաբաթավերջին հեռախոսազրույցներ են ունեցել՝ միմյանց, Թեհրանի, Վաշինգտոնի և այլ երկրների հետ՝ փորձելով խուսափել հակամարտության ընդլայնումից։
Իրանական աղբյուրներից մեկը հայտնել է, որ Իրանը պատրաստ է ճկուն լինել միջուկային բանակցություններում, եթե հրադադար կնքվի։
Պարսից ծոցի երկրները խորապես մտահոգված են, որ հակամարտությունը կարող է դուրս գալ վերահսկողությունից, Reuters-ին ասել է կառավարության պաշտոնյաներին մոտ կանգնած Պարսից ծոցի աղբյուրը։ Նա նշել է, որ Կատարը, Օմանը և Սաուդյան Արաբիան դիմել են Վաշինգտոնին՝ Իսրայելի վրա ճնշում գործադրելու համար՝ համաձայնվելու հրադադարի և Թեհրանի հետ միջուկային համաձայնագրի շուրջ բանակցությունները վերսկսելու համար:
Սպիտակ տունը և ԱՄՆ Պետքարտուղարությունն անմիջապես չեն արձագանքել լրատվամիջոցի մեկնաբանության խնդրանքին։
Թարգմանությունը՝ Էմմա Չոբանյանի
