07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ապարանը հոսանքազրկված է, անվտանգության նկատառումով դադարեցվել է նաև գազամատակարարումը
Հասարակություն
15.06.2025 | 18:46
Ապարանում պտտահողմի հետևանքով շենքեր են վնասվել. Արագածոտնի մարզպետը համայնքապետի հետ տեղում է, այս պահին ուսումնասիրվում է վնասի չափը:
Այս մասին հայտնում են Արագածոտնի մարզպետի աշխատակազմից։
Ապարանը հոսանքազրկված է, անվտանգության նկատառումով դադարեցվել է նաև գազամատակարարումը։
Տեղում այս պահին աշխատում է ՆԳՆ փրկարար ծառայությունը, մարզպետի գլխավորությամբ աշխատում են նաև Արագածոտնի մարզպետի աշխատակազմի համապատասխան ստորաբաժանումների մասնագետները։
Ապարանի համայնքապետարանից էլ հայտնում են, որ ժամեր առաջ տեղի ունեցած պտտահողմը մեծ ավերածություններ է առաջացրել Ապարանում` վնասելով շենքեր, տանիքներ, ծառեր և ենթակառուցվածքներ․ «Իրավիճակին օպերատիվ արձագանքում է Ապարան համայնքի ղեկավարությունը՝ մասնակցելով վնասների գնահատմանն ու վերականգնողական աշխատանքների կազմակերպմանը։
Ներկայումս տեղում աշխատում են համապատասխան ծառայությունները՝ ապահովելու բնակչության անվտանգությունը:
Համայնքապետարանը կոչ է անում քաղաքացիներին պահպանել հանգստություն»:
