08.09.2026 | 13:02
Ինչու էր քաղաքապետարանը մտել Նարեկ Նալբանդյանի 88 սուպերմարկետ. պարզաբանում է Բաբայանը․ ՏԵՍԱՆՅՈՒԹ
102-րդ ռազմաբազան օգնություն է առաջարկել Գյումրու համայնքապետարանին՝ կարկուտի հետևանքները վերացնելու համար
Հասարակություն
15.06.2025 | 14:56
Հունիսի 14-ի երեկոյան Գյումրիում գրանցված ուժեղ քամին և կարկուտը զգալի վնասներ են հասցրել քաղաքի մի շարք թաղամասերին։ Այս մասին տեղեկացնում են Գյումրու համայնքապետարանից։
«Ստեղծված իրավիճակով մտահոգված՝ Գյումրիում տեղակայված ռուսական 102-րդ ռազմաբազայի գեներալ-մայոր Ալեքսանդր Վիտալիևիչ Բեզբորոդովը հեռախոսազրույց է ունեցել Գյումրու փոխքաղաքապետ Գագիկ Մանուկյանի հետ։
Զրույցի ընթացքում գեներալ-մայոր Բեզբորոդովը տեղեկացել է քաղաքի իրավիճակի մասին և իր նախաձեռնությամբ առաջարկել է ռազմաբազայի աջակցությունը՝ տրամադրելով տեխնիկա և մարդկային ռեսուրսներ՝ վնասների վերացման և մաքրման աշխատանքների նպատակով։
Փոխքաղաքապետ Գագիկ Մանուկյանը, Գյումրու քաղաքապետ Վարդան Ղուկասյանի անունից, շնորհակալություն է հայտնել ցուցաբերած ուշադրության և աջակցության պատրաստակամության համար՝ ընդգծելով, որ նման դրսևորումները, հատկապես դժվարին պահերին, խոսում են գործընկերային հարաբերությունների և փոխադարձ հարգանքի մասին։ Նա նշել է, որ քաղաքապետարանի ծառայությունները կարողացել են առայժմ սեփական ուժերով վերահսկել իրավիճակը, սակայն անհրաժեշտության դեպքում ռազմաբազայի աջակցությունը անպայման կարժանանա դիտարկման և գնահատման»,- գրված է համայնքապետարանի պաշտոնական էջում։
Ուշագրավ է, որ համայնքային հարցը քննարկվում է 102-րդ ռազմաբազայի ներկայացուցչի հետ։
